Բելառուսի նախագահ Ալեքսանդր Լուկաշենկոն ընթացիկ շաբաթը կանցկացնի Սոչիում: Այդ մասին հայտնել է «Բելտա» բելառուսական պետական գործակալությունը:
«Ինչպես հայտնել են Բելառուսի նախագահի մամուլի ծառայությունից, այս շաբաթը պետության ղեկավար Ալեքսանդր Լուկաշենկոն կանցկացնի Սոչիում»,- ասված է հաղորդագրությունում: Մանրամասներ դեռ չեն հաղորդվում:
Նախկինում Բելառուսի նախագահը բազմիցս Սոչիում հանդիպումներ է անցկացրել, այդ թվում՝ ոչ պաշտոնական, Ռուսաստանի ղեկավարության հետ:
Ավելի վաղ փետրվարին Լուկաշենկոն մեղադրել է Մոսկվային ռուս-բելառուսական հարաբերությունները բարդացնելու համար: Դրա հետ մեկտեղ՝ նախագահը հորինված է անվանել Եվրասիական տնտեսական միությունից և Բելառուսի և Ռուսաստանի միութենական պետությունից երկրի դուրս գալու պլանների մասին որոշ ԶԼՄ-ներում հայտնված հաղորդագրությունները: