Զիմբաբվեի 92-ամյա նախագահ Ռոբերտ Մուգաբեի կինը հայտարարել է, որ իր ամուսինն այնպիսի աջակցություն է վայելում ժողովրդի կողմից, որ նրան նոր ժամկետով կընտրեն անգամ մահվան դեպքում:
Корреспондент-ի փոխանցմամբ` այս խոսքերով 51-ամյա Գրեյս Մուգաբեն հանդես է եկել` ելույթ ունենալով Զիմբաբվեում իշխող Աֆրիկյան ազգային միության հանրահավաքի ժամանակ:
«Մի օր, երբ Տերը որոշի, որ Մուգաբեի մահանալու ժամանակն է, մենք ընտրություններին կառաջադրենք նրա դին: Կտեսնեք, թե ինչպես մարդիկ կքվեարկեն Մուգաբեի դիակի օգտին: Ես լուրջ եմ ասում, պարզապես մարդիկ շատ են սիրում իրենց նախագահին», - հայտարարել է Մուգաբեի կինը:
Մուգաբեն իշխանության գլխին է արդեն 37 տարի, այն պահից ի վեր, երբ երկիրն անկախություն ձեռք բերեց Բրիտանիայից 1980-ին: