Ուկրաինայի նախագահ Պյոտր Պորոշենկոն և ՆԱՏՕ-ի գլխավոր քարտուղար Յենս Սթոլթենբերգը քննարկել են իրավիճակը Դոնբասում, նաև Կիևի հետագա համագործակցությունը դաշինքի հետ: Այս մասին հայտնում է TASS-ը՝ հղում անելով Ուկրաինայի ղեկավարի մամլո ծառայությանը:
«Հանդիպման ժամանակ պայմանավորվածություն է ձեռք բերվել ակտիվացնել հետագա աշխատանքը ՆԱՏՕ-ի նպատակային հավատարմագրային հիմնադրամների շրջանակներում՝ հաջակցություն Ուկրաինայի»,- ասվում է հաղորդագրության մեջ:
Մամլո ծառայության տեղեկությամբ՝ Պորոշենկոն «ընդգծել է գործնական օգնության կարևորությունը, որն Ուկրաինային տրամադրում է ՆԱՏՕ-ն՝ դաշինքի չափանիշերին համապատասխան պաշտպանունակության ամրապնդման և անվտանգության ու պաշտպանության ոլորտների բարեփոխման համար»: Ուկրաինայի նախագահը ՆԱՏՕ-ի Հյուսիսատլանտյան խորհրդի պատվիրակությանը հրավիրել է 2017 թ. Ուկրաինա այցելել:
Սթոլթենբերգի և Պորոշենկոյի հանդիպումը տեղի է ունեցել Մյունխենի անվտանգության հարցերով կոնֆերանսի շրջանակներում:
