Փետրվարի 19-ին, ժամը 20.00-ին, ոստիկանության Երևան քաղաքի վարչության գրպանահատության դեմ պայքարի բաժանմունքի և Արաբկիրի բաժնի ծառայողները Երևանի Բաղրամյանի պողոտայի թիվ 58 շենքի մոտից, գողություն կատարելու կասկածանքով, բերման են ենթարկել 36-ամյա Սուրեն Ա.-ին:
Ոստիկանության մամուլի ծառայությունից հայտնում են, որ նա նույն օրը, ժամը 19.40-ից 19.55-ն ընկած ժամանակահատվածում, թիվ 13 երթուղու ավտոբուսի սրահում, 1965 թ. ծնված Հասմիկ Տ.-ի պայուսակից գողացել է դրամապանակը, որի մեջ եղել են բանկային քարտեր և 21.000 դրամ:
Սուրեն Ա.-ն տվել է խոստովանական բացատրություն:
Գողոնն առգրավված է:
Կատարվում է քննություն:
