Մադրիդի «Ռեալի» պաշտպան Խոսե Իգնասիո Նաչոն իր խաղով հետաքրքրել է իտալական «Ռոմային»:
Ինչպես տեղեկացնում է «Football Italia»-ն, հռոմեական ակումբի մարզական տնօրեն Ռամոն Մոնչին գնահատում է իսպանացու խաղամակարդակը և հուսով է, որ կկարողանա վերջինիս համոզել տեղափոխվել Իտալիա:
Նաչոյի գործող պայմանագրի ժամկետը «արքայական ակումբի» հետ նախատեսված է մինչև 2020 թվականը:
Նաչոն «Ռեալի» սան է և հանդես է գալիս «սերուցքայինների» կազմում 2010/11թթ. մրցաշրջանից:
28-ամյա պաշտպանն ընթացիկ մրցաշրջանում մասնակցել է Իսպանիայի առաջնության 17 հանդիպման: