Կառավարությունը չի կիսում «Ելք»-ի կարծիքը


Կառավարությունը չի կիսում «Ելք»-ի կարծիքը
Փետրվար 15 15:30 2018

Կառավարությունն այսօրվա նիստում մերժեց «Ելք» խմբակցության առաջարկը: ՀՀ ֆինաննսերի նախարար Վարդան Արմայանը ներկայացրեց նրանց ներկայացրած նախագիծը, որով առաջարկվում է փոփոխություններ կատարել Հարկային օրենսգրքի մեջ`վերականգնելով բենզինի ու սեղմված գազի ակցիզային հարկի նախկին դրույքաչափերը: «Առաջարկվում են նաև եկամտային հարկում փոփոխություններ, առաջարկվում է մեկ սանդղակ ևս ավելացնել 150-ից մինչև 300 դրամ սանդղակը ու այն հարկել 26 տոկոսով»,-ասաց Արամյանը:

Վարդան Արամյանն ընդգծեց՝ Կառավարությունը բազմիցս քննարկել է նման հարցեր: «Հարկային օրենսգիրքը, երբ որ փոփոխության էինք ենթարկում, այնտեղ գնացինք համարձակ քայլերի՝ էական թուլացումների, և հիմնական նպատակն էր, որպեսզի այն գործիքները, որոնք որ տնտեսվարող սուբյեկտների մոտ ստեղծում են հոսքերի կառավարման մասով խեղումներ, փորձենք թուլացնել, որովհետև տնտեսվարող սուբյեկտներն են տնտեսական աճը ապահովում, աշխատատեղեր ստեղծում»,-նշեց Ֆինանսների նախարարը: Վարդան Արամյանն ընդգդծեց`եթե առաջարկ է արվում առանց հիմնավորման, թե մեկ այլ փոխհատուցման գործիքը ինչպես է կատարվելու, ու ինչ տնտեսական հետևանքներ են լինելու, կառավարությունը չի կիսում «Ելք»-ի կարծիքը: «Կարծում ենք, որ մեր ընդունած, որդեգրած քաղաքականությունը ճիշտ է»,-նշեց Վարդան Արամյանը:



loading...