ՀՀ մարզերը և համայնքները համապատասխան որոշումներով ընդունում են իրենց խորհրդանիշերը: ՀՀ կառավարության նիստում նշեց վարչապետ Կարեն Կարապետյանը:
«Գործող օրենսդրությամբ սահմանված չէ նման խորհրդանշանների մշակման ընդհանուր միասնական պահանջներ, որոնց արդյունքում խորհրդանիշերը իրենց կառուցվածքով ու կարգավիճակով կհամապատասխանեն գործնականում ձևավորված և ընդունված կանոններին», - նշեց Կարապետյանը:
Ըստ նրա ներկայումս դրանք ամբողջությամբ թողնված են մարզպետարանի, իսկ համայնքների դեպքում՝ ավագանու հայեցողությանը:
Վարչապետը մշակույթի նախարարին ու մարզպետներին հանձնարարեց երկուամսյա ժամկետում շահագրգիռ մարմինների, ինչպես նաև գիտական ու հասարակական կազմակերպությունների հետ համատեղ ուսումնասիրել ու կառավարության աշխատակազմ ներկայացնել մարզերի ու քաղաքաների խորհրդանիշերի, ձևաթղթերի և անհատականացման այլ միջոցների ներկայացվող ընդհանուր պահանջների սահմանման ու դրանց տեղական ինքնակառավարման ու տարածքային կառավարման մարմինների կողմից իրացման վերաբերյալ առաջարկություններ:
«Իրականում այստեղ շատ խայտաբղետ պատկեր ունենք», - նշեց Կ. Կարապետյանը: