ՀՀ ոստիկանության պետ Վլադիմիր Գասպարյանն արդեն մի քանի օր է փոփոխություններ է կատարում համակարգում:
Այսօր եւս ոստիկանապետի հրամանով նշանակումներ են եղել, մասնավորապես՝ Վայքում եւ Սյունիքում: Սույն տեղեկատվությունը Armday.am-ի հետ զրույցում հաստատեց ՀՀ ոստիկանության ԶԼՄ-ների հետ կապի, վերլուծության եւ լրատվության բաժնի պետ Էդգար Ջանոյանը:
Մասնավորապես Վլադիմիր Գասպարյանի հրամանով, Վայքի ոստիկանապետ է նշանակվել փոխգնդապետ Գարիկ Գերասիմյանը, որը մինչ ադ զբաղեցնում էր Վայոց ձորի մարզային վարչության շտաբի պետի պաշտոնը:
Վ. Գասպարյանի մեկ այլ հրամանով ոստիկանության Սյունիքի մարզային վարչության պետի ծառայության գծով տեղակալ է նշանակվել փոխգնդապետ Դավիթ Հովհաննիսյանը, որը մինչ այդ զբաղեցնում էր ոստիկանության Սիսիանի բաժնի պետի տեղակալի պաշտոնը:
Armday.am