Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյուն մեկնաբանել է այն տեղեկությունը, որ շվեդ հարձակվող Զլատան Իբրահիմովիչը կարող է կարիերան շարունակել «Լոս Անջելես Գելեքսիում»:
«Նա ինձ ոչինչ չի ասել այդ մասին: Առաջին անգամ դրա մասին լսել եմ մամուլից: Զլատանը երբեք չի հիշատակել դա, այդ պատճառով ոչինչ չգիտեմ:
Իբրահիմովիչի համար սա վերջին տարին է պայմանագրով: Եթե նա իր ապագան այլ ակումբում է տեսնում, կօգնենք նրան իրականացնել դա, չենք բարդացնի նրա կյանքը»,- պորտուգալացի մասնագետի խոսքը մեջբերում է Sky Sports-ը: