1$ = 0 AMD 1€ = 0 AMD

7 գեղարվեստական ֆիլմ՝ ուժեղ կանանց մասին

ԴՈՄԻՆՈ/(«Domino», 2005), Ֆրանսիա, Մեծ Բրիտանիա, ԱՄՆ

 

Իրական Դոմինո Հարվին, իհարկե, այդքան լավիկը չէր, որքան Կիրա Նայթլին (չնայած Հարվին անձամբ ինձ ավելի է դուր գալիս), բայց կարողացել է ֆոտոմոդելի կարիերա անել:
Այդուհանդերձ, Դոմինոն ավելի շատ տարված էր իր մյուս մասնագիտությամբ. նա գլուխների որսորդ էր ու հիմնականում զբաղվում էր թմրավաճառների որսով:
Այս ֆիլմում Հարվին փոքրիկ կամեո ունի (եթե դիտեք, պայթյունից հետո հեռացող աղջիկն է) ու գրել է ֆիլմի երաժշտությունը: Բայց այնպես ստացվեց, որ «Դոմինոն» թողարկվեց նրա մահից ամիսներ անց:


ՄԻԼԻՈՆԱՆՈՑ ՓՈՔՐԻԿԸ/(«Million Dollar Baby», 2004) ԱՄՆ

 

Բոլորս էլ երբեմն մտածում ենք մեր կյանքն արմատապես փոխելու մասին, թեթև-մեթև հետաքրքրություններ ենք գտնում, բայց 30-ամյա մատուցողուհի Մեգիի ընտրությունը ամեն մեկի բանը չէ:
Աղջիկը դառնում է պրոֆեսիոնալ բռնցքամարտիկ ու ռինգում այրվում գիսավորի պես: Սա Քլինթ Իսթվուդի ամենասենտիմենտալ ֆիլմն է թերևս, որի համար նա լավագույն դերասանի «Օսկար» չստացավ, բայց վերցրեց լավագույն ռեժիսորի ու լավագույն ֆիլմի մրցանակները:
Մեգիի դերակատար Հիլարի Սվենկը, ի դեպ, նույնպես առանց «Օսկարի» չմնաց:


ԶԻՆՎՈՐ ՋԵՅՆԸ/(«G. I. Jane», 1997) ԱՄՆ, Մեծ Բրիտանիա

 

Դեմի Մուրը դեպրեսիայի մեջ ընկավ ապահարզանից հետո միայն, իսկ մինչև այդ նա այդպիսին չէր. ամուր կին էր ու հենց այդպիսի կանանց դերեր էր գերադասում խաղալ:
«Զինվոր Ջեյնում» նա իսկական զինվորի է մարմնավորում, որին ծեծում են, սափրում են գլուխը, ստորացնում են, բայց նա դիմադրում է. այդպիսին է կյանքը զինվորի: Ի դեպ, ամերիկյան զինվորականների սլենգով «Ջեյն» նշանակում է կին:
Էնպես որ ֆիլմը կարելի էր թարգմանել նաև որպես «Զինվոր կինը»:

ՖԱՐԳՈ/(«Fargo», 1995) ԱՄՆ, Մեծ Բրիտանիա

 

Անցած տարի ֆիլմի մասին խոսակցություններն ակտիվացան համանուն սերիալի թողարկման առիթով, բայց իսկական կինոմանները վստահաբար այն երբեք էլ մոռացության չէին մատնել:
Կոեն եղբայրների ֆիլմը ոչ թե պարզապես ոստիկանի, այլ շատ հղի ոստիկանի մասին է, ու նրա վիճակը բոլորովին չի խանգարում, որ հերոսուհին հետաքննի միանգամից երեք սպանություն:
Ի դեպ, պատմությունն իրական փաստերի հիման վրա է, այնպես որ այդ ուժեղ կինը, որին մարմնավորել է Ֆրենսիս Մաքդորմանդը, իրոք գոյություն է ունեցել:


ՕՏԱՐԸ/(«Alien», 1979) ԱՄՆ, Մեծ Բրիտանիա

 

Ծերուկ Ռիդլի Սքոթը մի ժամանակ հրաշալի ֆիլմեր էր նկարահանում, որոնք ժանրային օրիգինալություն գուցե չունեին, բայց աչքի էին ընկնում իրենց օրիգինալ լուծումներով: Այդպիսի լուծում էր կին դերասանի ընտրությունը «Օտարը» ֆիլմի գլխավոր դերի համար:
Բանն այն է, որ սցենարը տղամարդու համար էր գրված: Հիմա խոստովանե՛ք՝ նույնքան հաճույքո՞վ կդիտվեր ֆիլմը, եթե անհասկանալի արարածի դեմ պայքարի բեռն իր վրա չվերցներ Սիգուրնի Ուիվերը:
Ոչ մի տղամարդ, կյանքը վտանգելով, վերջին վայրկյանին կատու չէր փրկի:

ԳԱՌՆՈՒԿՆԵՐԻ ԼՌՈՒԹՅՈՒՆԸ/ («The Silence of the Lambs», 1991) ԱՄՆ

 

Սա Ջոդի Ֆոսթերի թերևս ամենահայտնի դերն է: Կանիբալ դոկտոր Լեկտերն էլ, որը մեզ համար ճանաչելի դարձավ սըր Էնտոնի Հոփքինսի շնորհիվ, դասական դարձած կերպար է կինեմատոգրաֆում: Ֆիլմն էլ բացառիկ է նաև նրանով, որ ստացել է «Օսկարի» բոլոր հինգ գլխավոր մրցանակները:
Էլ ի՞նչ ասես այս ֆիլմի կամ գլխավոր հերոսուհու մասին: Միայն ուժեղ կինն այդքան ոգի կունենար՝ դաշն կնքելու համար իսկական սատանայի հետ:
Ի դեպ, Կլարիսա Սթարլինգի դերի հավակնորդ են եղել նաև Միշել Փֆայֆերն ու Մեգ Ռայանը:


ԾԱՌԱՅՈՂԸ/ («The Help», 2011) ԱՄՆ, Հնդկաստան

 

Սա մի պատմություն է երիտասարդ, ամբիցիոզ սպիտակամորթ աղջկա մասին, որը երազում է ոչ թե ամուսնանալ ու երեխաներ ունենալ, այլ լրագրող դառնալ: Բայց լավ գործ գտնելու համար լավ նյութ է պետք: Ու նա որոշում է գիրք գրել սպիտակամորթ տերերի մոտ աշխատող սևամորթ կնոջ անունից:
Առաջին դեմքով: Մասնագիտական հավակնություններն աստիճանաբար իրենց տեղն են զիջում արդարության սրված զգացողությանը ու իրերի վիճակը փոխելու մղմանը:
Ֆիլմն «Օսկարի» է արժանացել կնոջ երկրորդ պլանի դերի համար:

loading...
Լրահոս
Փետրվարի 24-ի աստղագուշակ Ինչպես արագ ազատվել բերանի տհաճ հոտից 10 փաստ կրծքերի մասին, որոնց վերաբերյալ դուք ոչինչ չգիտեք Որքան արագ են սիրահարվում աղջիկները՝ ըստ կենդանակերպի նշանի Սերժ Սարգսյանը մասնակցել է Արտավազդ Փելեշյանի 80-ամյակին նվիրված հոբելյանական երեկոյին Նշաններ, որոնք վկայում են, որ զուգընկերդ քեզ ժամանացի համար է միայն օգտագործում Ահա, թե ինչ է նշանակում, երբ ձեր աչքերը սկսում են «թրթռալ» ՄՅՈւ-ն Դե Խեայի տրանսֆերը գնահատել է 100 մլն եվրո Կինը վերցրեց մարկերը և նշում կատարեց իր ժակետի վրա․ երբ իմանաք, թե ինչու, դուք նույնպես այդպես կվարվեք 12 բան, որ ամուսինները շատ կցանկանային, որ իրենց կանայք իմանային, սակայն երբեք չեն ասի Իսպանիայի ոստիկանությունը խուզարկել է Գվարդիոլայի մասնավոր ինքնաթիռը Սմբատ Բալասանյանը անհիմն մեղադրանքներ շռայլելու վարպետ է.Ղուկաս Ուլիխանյանը հերքել է իր ընկերության մասին տարածված լուրերը Աղջիկը մազերը լվանալուց հետո ծածկեց փայլաթիթեղով և զարմացրել լավագույն վարսավիրներին Սեբալյոսից ներողություն եմ խնդրել.Զիդան Հրապարակվել է Sony Xperia XZ2-ի առաջին ամբողջական լուսանկարը 7 պատճառ՝ թե ինչու դեռ չեք գտել Ձեր երկրորդ կեսին Հայտնի է Չեմպիոնների լիգայի շաբաթվա լավագույն ֆուտբոլիստը Ինչու կտրականապես չի կարելի հայելու դիմաց քնել Դոնալդ Թրամփը հայտարարել է Հյուսիսային Կորեայի դեմ պատժամիջոցների խոշորագույն փաթեթի գործարկման մասին Ահա, թե ինչի մասին է պետք հիշեն բոլորը, ովքեր սափրում են ինտիմ հատվածները Զավեշտալի դեպք ծանրամարտի Հայաստանի առաջնությունում (տեսանյութ) Կենդանակերպի յուրաքանչյուր նշանի մարմնի ամենագեղեցիկ մասը Երթևեկության կազմակերպման փոփոխություն` Երևան քաղաքի Ղազար Փարպեցու փողոցի Թումանյան-Արամ հատվածում «Գյումրի» ԲԿ-ում ծեծկռտուքի գործով քրեական գործ է հարուցվել Գայ գյուղում հրդեհված տնից հայտնաբերված մարդուն սպանել են. Հարուցվել է քրեական գործ