«Կոմսոմոլսկայա պրավդա. Վորոնեժ» թերթը անդրադարձել է Հայաստանին:Նյութը գրվել է մեր երկիր կատարած ուղևորության արդյունքում:
Հեղինակը գրում է, որ հնագույն երկիր կատարած ուղևորությունն անմոռանալի են դարձնում հեքիաթային վայրերը, տաք կլիման, տեղի խոհանոցն ու բարեսիրտ մարդիկ, որոնք խոսում ու հասկանում են ռուսերեն:
«Հայաստանում ավելի լավ է, քան Շվեյցարիայում: Առաջին վայրը, որ ձմռանը Հայաստան եկած զբոսաշրջիկը պետք է այցելի, Ծաղկաձորն է: Հանգստի այս կենտրոնն ամենամեծն ու հայտնին է երկրում»,-նշվում է անդրադարձում:
Հեղինակը նաև խորհուրդ է տալիս զբոսաշրջիկներին լինել Կովկասի գոհար համարվող Սևանալճում, Գառնի հեթանոսական տաճարում, քարանձավափոր Գեղարդի վանքում, Երևանի կոնյակի գործարանում, ինչպես նաև ուսումնասիրել Երևանի տեսարժան վայրերը՝ այդ թվում նաև «Մեգերյան կարպետ» գորգագործական ֆաբրիկան: