ՀՀԿ Գործադիր մարմնի այսօրվա նիստում ամփոփվել է 2017 թվականի քաղաքական տարին:
«Նիստում քննարկել ենք 2018 թվականի առաջին եռամսյակի անելիքները»,-նիստից հետո լրագրողներին ասաց ՀՀԿ խոսնակ, ԱԺ փոխնախագահ Էդուարդ Շարմազանովը:
Նա նշեց, որ քննարկվել է ՀՀԿ-ի անելիքները Ազգային ժողովում:
«Քննարկել ենք նաև ներքաղաքական ու արտաքին քաղաքական հարցեր»,-ասաց Է. Շարմազանովը:
ՀՀԿ խոսնակը նշեց, որ կուսակցությունում նախագահի թեկնածուի հարցը կքննարկեն փետրվարին:
«Աստիճանաբար քննարկումները մենք կսկսենք հաջորդ շաբաթվա ընթացքում, դեռևս ՀՀԿ-ն պաշտոնական քննարկում չի սկսել, նախաքննարկման փուլում ենք»,-ասաց Էդուարդ Շարմազանովը:
«Ամեն ինչ իր ժամանակին, հերթին, մենք նորմալ, մանրամասն կքննարկենք և կներկայացնեք, բայց կարծում եմ, որ ՀՀ նախագահի պաշտոնում կներկայացնենք մի թեկնածուի, որը կունենա շատ լուրջ կենսագրություն ու շատ լուրջ հետք ու նաև անելիք»,-ասաց նա:
Հարցին՝ ՍԴ նախագահ Գագիկ Հարությունյանը համապատասխանո՞ւմ է այդ կերպարին, ՀՀԿ խոսնակն ասաց, որ նա արդեն հերքել է, թե ցանկություն ունի դառնալու ՀՀ նախագահ:
«Մենք հարգում ենք Գագիկ Հարությունյանի որոշումը»,-ասաց նա:
