Ըմբշամարտի միասնական աշխարհը (UWW) ներկայացրել է Հունահռոմեական ոճի ըմբշամարտի 2017 թվականի հունվարի վարկանիշային աղյուսակները:
Տարվա առաջին ամսվա ցանկերում հայ ըմբիշները հետևյալ դիրքերում են.
Օլիմպիական խաղերի չեմպիոն Արթուր Ալեքսանյանը գլխավորում է 98 կգ քաշային կարգի աղյուսակը:
66 կգ քաշային կարգում երկրորդն Օլիմպիական խաղերի փոխչեմպիոն Միհրան Հարությունյանն է: Հայ մարզիկից առաջ է միայն Ռիո-2016-ի եզրափակչում Միհրանի մրցակից, սերբ Դավոր Շտեֆանեկը: Նույն քաշային կարգի 15-րդ տեղում է Կարեն Ասլանյանը:
71 կգ քաշային կարգում 8-րդ հորիզոնականում Վարշամ Բորանյանն է:
75 կգ քաշային կարգում համապատասխանաբար 14-րդ և 15-րդ հորիզոնականներում են Արսեն Ջուլֆալակյանը և Կարապետ Չալյանը:
85 կգ կարգում Մաքսիմ Մանուկյանը 14-րդն է: