1$ = 0 AMD 1€ = 0 AMD

Ստամբուլահայ երաժիշտը հաղթող է ճանաչվել Tromp միջազգային երաժշտական մրցույթում

Ստամբուլահայ Էմիլ Քույումջյանը դեռևս 5 տարի առաջ Լյուքսեմբուրգում Talking Drums հարվածային գործիքների միջազգային մրցույթում զբաղեցրել է երրորդ տեղը, իսկ 2016թ.-ի վերջին` Tromp միջազգային մրցույթում ճանաչվելով հաղթող, գրավել է համաշխարհային երաժշտասեր հասարակության ուշադրությունը:

Ստամբուլում հրատարակվող հայկական պարբերականներից «Ակօսը» հատուկ անդրադարձ է կատարել տաղանդավոր պոլսահայ երիտասարդին, զրուցելով նրա հետ իր հետագա ծրագրերի մասին:
1993թ.-ին Ստամբուլում ծնված Էմիլը մեծացել է մի ընտանիքում, որտեղ երաժշտության հանդեպ անտարբեր չէր ոչ ոք :
Դաշնամուրի դասեր առնելուց հետո հայ երիտասարդը որոշում է ընդունվել Ստամբուլի Միմար Սինանի անվան գեղեցիկ արվեստների հեղինակավոր կոնսերվատորիան:
«Դասընկերներիցս մեկի մայրն ու հայրը աշխատում էին Միմար Սինանի կոնսերվատորիայում: Գիտեին երաժշտության հանդեպ հետաքրքրությանս մասին: Լուր տվեցին, մասնակցեցի քննությանը, ընդունված 10 ուսանողներից մեկը դարձա»:
Երկու տարի տրոմբոնի վրա նվագել սովորելուց հետո Էմիլն իր իսկ ցանկությամբ փոխադրվում է հարվածային գործիքների բաժին, որն Էմիլի խոսքով`իր երազանքն էր:
Այնուհետև ուսումն արտասահմանում շարունակել վճռած Քույումջյանը ընդունելության հայտ է ներկայացնում Գերմանիայի միանգամից երեք քաղաքների համալսարաններում. Շտուտգարդ, Մյունխեն և Լայպցիգ: Երեք համալսարանների քննություններն էլ հեշտությամբ հաղթահարած հայ երաժիշտն ի վերջո ընտրում է Շտուտգարդն ու այստեղ հնարավորություն ստանում աշխատելու Հարըլդ Լյոհլեի, Քլաուս Դրեհերի և այլ ճանաչված երաժիշտների հետ: Մի քանի տարի անց մեկ այլ կրթական ծրագրով Ֆրանսիայի Լիոն քաղաք մեկնած Քույումջյանը հետագայում կրկին վերադառնում է Գերմանիա և ավարտում ուսումը Շտուտգարդում:

Խոսելով Tromp միջազգային երաժշտական մրցույթի մասին՝ Էմիլն անկեղծացել է, որ մրցույթի ամեն փուլն ընկալել է որպես առանձին համերգ և աշխատել է ըստ դրա ընտրել իր ստեղծագործություններն ու դրանց մեկնաբանությունները:

«Փորձել եմ հնարավորինս բնական լինել, ինչն, ըստ իս, բավականին բարդ բան է», - ասել է Էմիլն ու նշել, որ երազում է շարունակել ստեղծագործել`հարստացնելով իր երաժշտությունը:

loading...
5 խորհուրդ՝ Google-ն իմաստուն կերպով օգտագործ... Երգիչ Նորոյի և «օրենքով գող» Պզոյի լուսանկարը... Ոստիկանություն է ներկայացել 35-ամյա տղամարդու... Ղրղզստանում սողանքի հետևանքով 24 մարդ է զոհվե... 5 բան, որ նյարդայնացնում են կենդանակերպի յուր... Վարչապետը հանձնարարել է շարունակել կառուցապատ... Հալեպում ազատագրումից հետո առաջին անգամ ֆուտբ... «Խոստում»-ը ֆիլմի սաունթրեքը` Քրիս Քորնելի կա... Բակո Սահակյանը մի շարք օրենքներ է ստորագրել Սամվել Կարապետյանի դստեր յուրահատուկ կերպարնե... Հենրիխ Մխիթարյանը մարզաշապիկ է նվեր Հայաստա... Սելֆիի համար կեցվածք ընդունած պանդան հռչակ է ... Ռուդոլֆ Խառատյանը պարգևատրվել է Երևանի քաղաքա... Կարեն Կարապետյանը հանձնարարել է ընթացք տալ պի... Սերժ Սարգսյանը ընդունել է Հորդանանի արքայադստ... Երևանի քաղաքային իշխանությունները գլխովին ձախ... Էթիկայի 10 կանոն, որոնք դուք խախտում եք ամեն ... Ինչ եղանակ է սպասվում առաջիկա օրերին Կոտայքի ոստիկանները ծեծի մեղադրանքով հետախուզ... Վթար Երևան-Սևան ավտոճանապարհին. կան վիրավորնե... Ասեղնագործված հագուստ՝ այս գարնան գլխավոր միտ... «Ելք» դաշինքը հանրահավաք է հրավիրել Ինչ կարող է պատմել սիրելի թիվը ձեր մասին Զարուհի Փոստանջյանի ընտանիքը (լուսանկարներ) Տավուշի գյուղերը գիշերը գնդակոծվել են (լուսան...