1$ = 0 AMD 1€ = 0 AMD

Կընդլայնվի համագործակցությունը ՊԳԿ-ի հետ անասնապահության և պարենային ապահովության ոլորտներում

ՀՀ գյուղատնտեսության նախարար Իգնատի Առաքելյանն այսօր ընդունել է ՀՀ-ում ՄԱԿ-ի պարենի և գյուղատնտեսության կազմակերպության (FAO) ներկայացուցիչ Ռայմունդ Յելեին: Հանդիպման ընթացքում քննարկվել են Հայաստանի գյուղատնտեսության ոլորտում ՊԳԿ աջակցությամբ իրականացվող ծրագրերի ընթացքի արդյունավետության բարձրացման հարցը, ընդգծվել է դրանց շարունակակակության ապահովման կարևորությունը:

Հանդիպումից հետո տեղի է ունեցել երկկողմ համագործակցության վերաբերյալ հուշագրերի ստորագրման արարողություն և մամուլի ասուլիս: Առաջին հուշագրով կողմերը նախատեսում են համագործակցել «Կովկասի և Կենտրոնական Ասիայի ընտրված երկրներում պարենային ապահովությանը և սնուցմանն ուղղված կարողությունների հզորացում» ծրագրի շրջանակում, որը ֆինանսավորվում է ՌԴ կառավարության կողմից:

Ծրագրի նպատակն է ձևավորել նպաստավոր միջավայր պարենային ապահովության, սնուցման և բնակչության ամենախոցելի խմբերի սոցիալական պաշտպանությունը խթանելու համար: Մասնավորապես, կիրականացվեն «Գյուղատնտեսության հետ կապված դպրոցական սնունդ և սնուցում» և «Պարենի համակարգերի ուժեղացում սոցիալական պաշտպանության սնուցման բաղադրիչի բարելավման նպատակով» ծրագրեր:

Ծրագրի իրականացման ընթացքում ՀՀ գյուղատնտեսության նախարարությունը սերտորեն կհամագործակցի ՀՀ կրթության և գիտության, ինչպես նաև ՀՀ աշխատանքի և սոցիալական հարցերի նախարարությունների հետ:

«Դպրոցների սնունդը բարելավելու և թերսնուցումը նվազեցնելու ուղղությամբ դպրոցներին կից ջերմատներ կկառուցվեն, որոնք կառավարման կհանձնվեն հենց նույն դպրոցներին, և այդ ջերմոցներում արտադրված բանջարեղենը կուղղվի դպրոցականների սննդին: Ծրագիրը կլինի փորձնական, նախատեսված են տարբեր չափերի ջերմոցներ, որպեսզի հասկանանք դրանց արդյունավետությունը», - նշել է նախարար Իգնատի Առաքելյանը և հավելել, որ լավագույն մոդելը հետագայում կներդրվի նաև այլ դպրոցներում:

Ռայմունդ Յելեն իր հերթին վստահություն է հայտնել, որ ծրագրի շրջանակում ջերմոցների կառուցումը կնպաստի նաև առողջ սննդի և առողջ սննդակարգի վերաբերյալ դպրոցականների գիտելիքների մակարդակի բարձրացմանը: Ծրագրի բարեհաջող ընթացքի ապահովման համար Ռայմունդ Յելեն կարևորել է նաև շահառու կողմերի ճիշտ ընտրությունը:

Հայաստանում Ռուսաստանի դեսպանատան խորհրդական-դեսպանորդ Անդրեյ Իվանովը նշել է, որ Ռուսաստանը կարևորում է Եվրասիական տնտեսական միության և ԱՊՀ երկրների հետ համագործակցության ընդլայնումը:

«Հուսով ենք, որ այսօր ստորագրված նոր նախագիծը կնպաստի Ռուսաստանի և Հայաստանի միջև ռազմավարական գործընկերության հետագա ամրապնդմանը և Հայաստանի Հանրապետության բնակչության բարեկեցության բարելավմանը», - նշել է Անդրեյ Իվանովը:

Ստորագրված երկրորդ հուշագիրը վերաբերում է համագործակցությանը «Համակցված ուղղության կենդանիների ցեղատեսակների պահպանում և զարգացում Արևելյան Եվրոպայի երկրներում» եռամյա ծրագրի շրջանակում, որն իրականացվում է նաև Վրաստանում և Ուկրաինայում: Տարածաշրջանային ծրագրի նպատակն է նախապատրաստել ընտրված համակցված ցեղերի գենետիկական ռեսուրսի պահպանման և օգտագործման հայեցակարգ: Անդրադառնալով ծրագրի հիմնական դրույթներին` նախարար Իգնատի Առաքելյանը նշել է, որ Խորհրդային Միության փլուզումից հետո Հայաստանում անասնապահության գենետիկ զարգացումը հատկապես կովկասյան գորշ տեսակի առումով հետընթաց է ապրել, մինչդեռ այն ժամանակին համարվել է Հայաստանի բնակլիմայական պայմաններին ամենահարմարեցված ցեղատեսակը:

«Այնուամենայնիվ գիտնականները համոզված են, որ այն ունի վերականգնվելու մեծ ներուժ և տվյալ ծրագրերի շրջանակներում մասնագետները կընտրեն Հայաստանում կովկասյան գորշի լավագույն կենդանիները, կվերլուծվեն նրանց սնուցման կարգը, հնարավոր արդյունավետությունը, և այս ծրագրի արդյունքում մենք կունենանք Հայաստանում կովկասյան գորշի զարգացման հայեցակարգ, կհիմնվի տոհմային տնտեսություն, որը կզբաղվի հենց այդ ցեղատեսակի զարգացմամբ և պահպանմամբ», - շեշտել է Իգնատի Առաքելյանը:

Այնուհետև ՀՀ գյուղատնտեսության նախարար Իգնատի Առաքելյանը և Հայաստանում ՊԳԿ-ի ներկայացուցիչ Ռայմունդ Յելեն ուղևորվել են Արարատի մարզի Սայաթ-Նովա համայնք, որտեղ մասնակցել են ջրային ռեսուրսներ խնայող նոր եղանակների կիրառմամբ մոդելային ձկնաբուծարանի բացմանը: Ձկնաբուծարանի նոր համակարգը հիմնվել է ՊԳԿ-ի կողմից իրականացվող «Հայաստանում ձկնարտադրության ոլորտում ջրային ռեսուրսների այլընտրանքային օգտագործում» ծրագրի շրջանակում, այն մասնավոր և պետական ոլորտների համագործակցության արդյունք է։ Ծրագրի նպատակն է նվազեցնել Արարատյան դաշտավայրում ստորգետնյա ջրերի գերօգտագործումը, ինչը Հայաստանի Հանրապետության կողմից դիտարկվում է որպես առաջնահերթ խնդիր։ Ձկնաբուծարանը ներկայումս կարող է խնայել և վերօգտագործել ջրի 70 %-ը:

 

loading...
Լրահոս
Հունվարի 24-ի աստղագուշակ Կարևո՞ր է արդյոք կանանց համար տղամարդկանց արտաքին տեսքը Ինչ նշանակություն ունեն ռուսական հանցավոր դաջվածքները Ինչպես վերջնականապես հեռացնել մաշկի սև կետերը Ինչպե՞ս է ամիսն ազդում մարդու բնավորության վրա Ցտեսություն մազաթափությանը․ մազարմատներն ամրացնող դիմակ ռուս բժշկի կողմից Խորհրդարանական լսումները, վարչապետի այցը, Հարությունյանի եկամուտներն ու Մանվել Գրիգորյանի փող ուզելը (տեսանյութ) Այս պահի դրությամբ ՀՀ տարածքում կան դժվարանցանելի ավտոճանապարհներ Նշաններ այն մասին, որ տղամարդը երբեք չի դադարի սիրել ձեզ Պաշտոնական. Ռեալի նախկին կիսապաշտպանը համալրեց ՊՍԺ-ն Երևանում՝ Մանկավարժականի դիմաց, Tesla-ն դուրս է եկել հանդիպակաց երթևեկելի գոտի և բախվել Lexus-ին Աշխարհագրական հորոսկոպ. իմացիր, թե որ երկիրն է քոնը և որ երկրներից պետք է խուսափես Ինչպե՞ս սպիտակեցնել վաննան տան պայմաններում «Միսս Եկատերինբուրգ» մրցույթի մասնակիցը խոշոր ավտովթարի հեղինակ Է դարձել Մխիթարյանը չի կարող մասնակցել Չելսիի հետ խաղին Ինչպես ուղղել շրթունքների ձևը Ինչպես սովորական շամպունը դարձնել կախարդական Բքի պատճառով Վարդենյաց լեռնանցքը դժվարանցանելի է Բարսելոնան հաստատեց. Մասկերանոն հեռանում է ակումբից Անմահության խոտաբույս․ Ալոեի օգտակար հատկությունները Ադրբեջանում հում նավթի արդյունահանումը վերջին 7 տարում նվազել է 23,66 տոկոսով Մեղրով դիմակ՝ ձմռանը մաշկը պաշտպանելու համար Ֆանտաստիկ ռուլետ բանանով. պատրաստելը հեշտ, համը՝ անկրկնելի Ադրբեջանական դատարանը ընդդիմադիր Գյոզալ Բայրամլիին դատապարտել է 3 տարվա ազատազրկման ՀՀ պաշտպանության նախարարն ընդունել է Ղազախստանի դեսպանին