Ռուսաստանի Դաշնության Կալինինգրադի մարզի Բագրատիոնովսկ քաղաքում գրանցվել է աննախադեպ ու ուշագրավ դեպք. hարազատ եղբայրներն ամուսնացել են հարազատ քույրերի հետ:
Ինչպես հայտնում է nevnov.ru կայքը, ուշագրավ է, որ նրանք բոլորն էլ հայ են:
Տեղի Քաղաքացիական կացության ակտերի գրանցման գործակալության փոխանցմամբ՝ սա նմանատիպ առաջին դեպքն է քաղաքում:
Աղբյուրը մանրամասնում է, որ Էդուարդ և Արմենակ Հակոբյաններն ամուսնացել են Ալվինա և Անահիտ Ավետիսյանների հետ: Ալվինայի խոսքով՝ իրենց ու ամուսինների ծնողները ծանոթ են 10 տարուց ավելի:
«Այո՛, մենք հասկացանք, որ մեր զգացմունքները փոխադարձ են և որ մենք ստեղծված ենք միմյանց համար: Մենք անկեղծ սիրում ենք իրար ու արդեն չենք պատկերացնում կյանքն առանց իրար»,-ասել է մյուս քույրը՝ Անահիտը՝ հավելելով, որ իրենք արդեն սպասում են իրենց առաջնեկների ծնվելուն: