Սաուդյան Արաբիայի արտգործնախարար Ադել ալ-Ջուբեյրը կոչ է արել ԱՄՆ-ի նախագահ Դոնալդ Թրամփին՝ վերանայել Երուսաղեմը Իսրայելի մայրաքաղաք ճանաչելու իր որոշումը և ԱՄՆ դեսպանատունը Երուսաղեմ տեղափոխելու մտադրությունը։ Նշենք, որ Սաուդյան Արաբիան Մերձավոր Արևելքում ԱՄՆ-ի ամենամոտ դաշնակիցն է տնտեսական, ռազմական ու քաղաքական ոլորտներում։ Հայտարարությունը նա արել է Կահիրեում կայացած Արաբական պետությունների լիգայի արտգործնախարարների մակարդակով հանդիպմանը։ Վերջինս հավելել է, որ համաշխարհային հանրությունը պետք է ակտիվացնի պաղեստինյան խնդիրը լուծելու ուղղությամբ իր ջանքերը։