Մի շարք մուսուլմանական երկրներում այսօր բողոքի ցույցեր են անցկացվել ընդդեմ ԱՄՆ-ի նախագահ Դոնալդ Թրամփի՝ Երուսաղեմը Իսրայելի մայրաքաղաք ճանաչելու որոշման։ Հորդանանի մայրաքաղաք Ամանում հինգերորդ նամազից հետո երթ է սկսվել, որին մասնակցել են խորհրդարանի անդամներ, մի շարք քաղաքական կուսակցությունների առաջնորդներ ու հասարակ մարդիկ։ Թուրքիայի Ստամբուլ, Անկարա, Բուրսա, Քոնյա, Էսքիշահր, Մանիս քաղաքներում ևս երթեր են անցկացվել, որոնք ղեկավարել են հասարակական կազմակերպություններ։ Ոստիկանությունը չի միջամտել երթերին։ Եգիպտոսի մայրաքաղաք Կահիրեում ևս բողոքի ցույց է անցկացվել, հարյուրավոր մարդիկ հավաքվել են Ազհարի հրապարակում գտնվող մզկիթի մոտ։ Նրանց ձեռքին եղել են պաղեստինյան դրոշներ և վանկարկել են «Երուսաղեմը արաբական է, ոչ արևմտյան և ոչ արևելյան, հոգով և արյունով՝ պաղեստինցի»։