Կառավարության այսօրվա նիստում վարչապետ Կարեն Կարապետյանն անդրադարձավ արտահանվող և ներմուծվող սննդամթերքի փորձաքննության կարգին:
Նա նշեց՝ անհրաժեշտ է, որպեսզի արտահանվող կամ ներմուծվող ապրանքների թույլտվության տրամադրումը լինի կանխատեսելի:
«Ներկայում կառավարության մի շարք որոշումներով՝ փորձաքննության անցկացման կարգերում ամբողջությամբ չեն տեղայնացվել միջազգային նորմերը, արդյունքում գործարարների մոտ կարող է առաջանալ տարընկալում», - նշեց նա:
Կարեն Կարապետյանը հանձնարարեց Սննդի անվտանգության պետական ծառայության պետին և Տնտեսական զարգացման և ներդրումների նախարարին մինչև տարվա վերջ համատեղ մշակել ու Կառավարության աշխատակազմ ներկայացնել փաստաթղթերի փորձաքննության կարգի հստակեցման, միջազգային նորմերի հստակեցման վերաբերյալ առաջարկություններ:
