ԱԺ-ում այսօր քվեարկությունների ժամանակ ուշագրավ դրվագ գրանցվեց: ՀՀԿ խմբակցության մի շարք պատգամավորներ բացակա էին, սակայն նրանց փոխարեն քվեարկում էին: ԱԺ պատգամավոր Նիկոլ Փաշինյանը հրավիրեց Արա Բաբլոյանի ուշադրությունը տեղի ունեցածի վրա:
Փաշինյանը ԱԺ նախագահ Արա Բաբլոյանին հորդորեց ստուգել որոշ պատգամավորների քվեարկությունը: Նրա խոսքով՝ «Ես ուզում եմ արձանագրեք, որ պարոն Ալեքսանյանը ներկա չի, բայց ինչ-որ կարգով հեռակա քվեարկությանը մասնակցում է: Ես խնդրում եմ արձանագրություններից իր բացակայությունները ֆիքսեք: Չի եղել այստեղ Ալեքսանյանը եւ քվեարկել է»:
Ի պատասխան Բաբլոյանը նշեց, թե հաջորդ օրենքների քվեարկության ժամանակ հաշվի կառնեն, բայց Փաշինյանը պնդեց, որ արդեն քվեարկությունների 90 տոկոսն անցել է, Սամվել Ալեքսանյանը բացակա լինելով՝ քվեարկել է:
