Եվս մեկ անգամ հայ լինելու հպարտություն զգացի․ Ա․ Թումանյան (լուսանկարներ)


Եվս մեկ անգամ հայ լինելու հպարտություն զգացի․ Ա․ Թումանյան (լուսանկարներ)
Դեկտեմբեր 5 17:20 2017

Սանկտ-Պետերբուրգում նոյեմբերի 27-29 -ը տեղի ունեցավ «Երիտասարդ հայրենակիցների միջազգային համաժողով - կրթական սեմինար, երիտասարդության դիվանագիտության թեմայով»: Այն կազմակերպել էր Ռուսաստանի պատանեկան եւ երեխաների միավորման ազգային խորհուրդը՝ աջակցությամբ Ռուսաստանի Դաշնության Կրթության եւ գիտության նախարարության, Սանկտ Պետերբուրգի վարչակազմի եւ Մոսկվայի տեխնոլոգիական համալսարանի:


Սեմինարի մասնակիցներն էին 40 երիտասարդ հայրենակիցները 35 երկրներից՝ Աբխազիայի, Բելգիան, Բուլղարիան, Հայաստան, Մեծ Բրիտանիայում, Գերմանիայում, Վրաստանի, Իսրայելի, Հորդանանի, Իսպանիա, Իտալիա, Կիպրոս, Չինաստան, Ղրղզստանի, Լիտվայի, Նորվեգիայի, Ռումինիայի, Սինգապուրի, Սլովենիայում, Թուրքիան, Ֆինլանդիան, Ֆրանսիա, Չեխիա, Էստոնիա: Բոլորը ներկայացնում են երիտասարդական եւ ուսանողական կազմակերպությունները եւ աշխատում են հանրային դիվանագիտության եւ միջազգային համագործակցության ոլորտում:

Հայաստանից ընտրվել էր Արգինե Թումանյանը , ով Ազգային Ժողովում գործող Հայ-ռուսական բարեկամական խորհրդարանական ակումբի ղեկավարն է: Ներկայացնում ենք Թումանյանի հարցազրույցը Armday.am-ին։

-Ի՞նչ նպատակ ուներ Ձեր այցը:

Իմ այցը երկու նպատակ էր հետապնդում՝ ծանոթանալ Ռուսաստանի մշակութային մայրաքաղաքին և ձեռք բերել նոր ընկերներ ու հնարավոր գործընկերներ աշխարհի տարբեր անկյուններից։


Ձեր տպավորությունները մշակութային մայրաքաղաքից:

Սանկտ Պետեսբուրգը իրավամբ աշխարհի ամենագեղեցիկ քաղաքներից մեկն է։ Այն ունի անփոխանցելի շունչ ու մթնոլորտ, որը նրան հաղորդում են հարուստ պատմական ավանդույթները։ Քաղաքի բնակիչները նույնիսկ այս արագընթաց տեխնոլոգիական ժամանակաշրջանում պահպանել են միայն իրենց հատուկ արիստոկրատական կեցվածքն ու վարվեցողությունը։ Նրանք հանգիստ են ու ժպտադեմ։ Ինձ ապշեցրեց քաղաքի շքեղ ճարտարապետությունը, որն ի տարբերություն հնագույն եվրոպական քաղաքների մի տեսակ ավելի թարմ տեսք ուներ։

Ի՞նչ տվեց Ձեզ այս համաժողովը:

Համաժողովը ինձ տվեց նոր ծանոթություններ ու ևս մեկ անգամ՝ հայ լինելու հպարտության գիտակցում։ Ապշած եմ։ Չինաստանը ներկայացնող մասնակիցն էր Անդրեյ Մունը ,ով երբեք չլինելով Հայաստանում քաջատեղյակ է մեր պատմությանը, ղարաբաղյան պատերազմի մանրամասներին։ Չունենալով հայկական գեթ մի կաթիլ արյուն, պնդում է,որ Բոլորս պիտի սովորենք հայերից: Հայաստանը լինելով փոքր պետություն ապրում է իր սփյուռքի աջակցությամբ և լիելով փոքր ազգ՝ շատ որակյալ էՙՙ։

Ի՞նչ նմատակ ուներ համաժողովը :

Նպատակն էր համախմբել տարբեր երկրների երիտասարդներին համագործակցության ուղիներ որոնելու, մշակելու համար։ Ոլորտերը բազմազան են՝ կրթություն, մշակույթ, ազգային ինքնագիտակցության բարձրացում և այլն։
Քննարկման հիմնական ուղղությունը հանրային դիվանագիտությունն էր և երիտասարդների մասնակցությունը այդ գործընթացներում։ Իմ անձնական ձեռքբերուն եմ համարում ներկաների հետաքրքրության բարձրացումը Հայաստանի հանդեպ և նրանց խոստումը անպայման ամռանը այցելել մեր երկիր։



loading...