Կանադայի դաշնային պաշտոնյաները վերսկսել են կառավարության տարհանման պլանի նախապատրաստումը՝ Սառը պատերազմի մեկնարկից ի վեր առաջին անգամ մայրաքաղաքին հասցվելիք հնարավոր միջուկաին հարվածի դեպքում։ Այս մասին հայտնում է CBC News-ը։
Հաղորդվում է, որ նման գործողությունների հրահրել է միջազգային լարվածության բարձր մակարդակը, այդ թվում կապված Հյուսիսային Կորեայի շուրջ իրավիճակի հետ։ Միջուկային հարվածի դեպքում կառավարությունը կտեղափոխվի Օտտավայից գաղտնի ռազմաբազաներ։ Փաստաթղթերում դրանք անվանվում են «Ալֆա» և «Բրավո»։
ՊՆ-ի հետ համաձայնագրի նախագիծը նախապատրաստվել է Կանադայի վարչապետի գրասենյակում դեռևս մեկ տարի առաջ։ Այն թույլ է տվել քաղաքացիական պաշտոնյաների համար բացել երկու ռազմաբազաների պաշտպանված բունկերները։
Պաշտոնյաների կարծիքով՝ այդ միջոցառումներն անհրաժեշտ են արտակարգ իրավիճակի և քաղաքում գտնվելու անհնարինության դեպքում։
Հյուսիսային Կորեայի կողմից անցկացվող միջուկային փորձարկումները, ինչպես նաև ԱՄՆ-ի և Հյուսիսային Կորեայի միջև սպառնալիքների փոխանակումը լարվածություն են ավելացրել այդ հարցին։