Մադրիդի «Ռեալի» նախկին կիսապաշտպան Խաբի Ալոնսոն վստահ է, որ «սերուցքայինների» հարձակվող Կրիշտիանու Ռոնալդուն շուտով կսկսի գոլեր խփել.
«Վստահ եմ, որ մրցաշրջանի ամենակարևոր պահին Ռոնալդուն կսկսի մեծ ցանկությամբ խաղալ, խփել գոլեր և տիտղոսներ նվաճել: Ես դրականորեն եմ տրամադրված: «Ռեալի» հետ ամեն ինչ հանգիստ է: «Բարսելոնան» նախորդ տուրում երկու միավոր կորցրեց և նրանք դեռ պետք է խաղան «Բեռնաբեու» մարզադաշտում:
Մրցաշրջանի երկրորդ հատվածը կարող է այլ կերպ դասավորվել: Եթե այդպես լինի, ապա չեմպիոնական տիտղոսի համար պայքարը կսկսվի»,-Ալոնսոյի խոսքերը մեջբերում է «Marca»-ն:
