Եվրամիության հետ ստորագրած փաստաթուղթը շատ լրատվամիջոցներ իշխանությունների կողմից հերոսական քայլ են համարում, ՀՀ ԱԺ արտաքին հարաբերությունների մշտական հանձնաժողովի նիստում «Ելք»-ի՝ ԵԱՏՄ-ից դուրս գալու գործընթաց սկսելու վերաբերյալ ԱԺ նախագծի քննարկման ժամանակ ասաց ՀՀ ԱԺ «Ելք» խմբակցության ղեկավար Նիկոլ Փաշինյանը:
«Եվրոպայի հետ մի հատ կիսափաստաթուղթ ա ստորագրվել, ու եթե մամուլը բացենք, կտեսնենք՝ որտեղ բացում ես՝ գրած ա. Սերժ Սարգսյանն ամենաիմաստունն ա: Կիմ Չեն Ընին «աբգոն» կանի, եթե այս տեմպերով երեք օր էլ շարունակի», - նշեց Ն.Փաշինյանը:
Նրա խոսքով՝ Սերժ Սարգսյանը «փորձում է գրոհել իշխանությունը», որի համար հերթական «գիգանտ» ծրագիրն է պատրաստել:
«1998-99 թվերին Արմենիկումն էր: Հայաստանը ցնցվեց: 2008-ին ատոմակայան էին կառուցում, էլի Հայաստանը ցնցվեց, հետո Իրան-Հայաստան երկաթուղի, հիմա արդեն Հայաստանը 4 մլն բնակչություն ունի: Սա նշանակում է, որ 2018-ին Սերժ Սարգսյանը որոշել է իշխանությունը գրոհել: Էս խնդիրն էլ արժանալու է նույն ճակատագրին, ինչ Արմենիկումը, հայ-իրանական երկաթուղին և այլն», - ասաց Փաշինյանը: