ՖԻԴԵ-ի Գրան պրի. Արոնյանը ոչ-ոքի է խաղացել Սվիդլերի հետ


ՖԻԴԵ-ի Գրան պրի. Արոնյանը ոչ-ոքի է խաղացել Սվիդլերի հետ
Նոյեմբեր 22 22:40 2017

Իսպանական Մալյորկայում շարունակվում է ՖԻԴԵ-ի «Գրան պրիի» վերջին՝ չորրորդ փուլի մրցաշարը: Այսօր` նոյեմբերի 22-ին ընթանում են 6-րդ տուրի պարտիաները:

Լևոն Արոնյանը սպիտակներով մրցել է ռուս Պյոտր Սվիդլերի հետ և բավարարվել ոչ-ոքիով: Հայ գրոսմայստերը 4 միավորով շարունակում է գլխավորել մրցաշարային աղյուսակը:

Հիշեցնենք, որ նախորդ տուրերում Արոնյանը 2 հաղթանակ է տարել, 3 պարտիաներն էլ ավարտել ոչ-ոքի:

Մրցաշարը կավարտվի նոյեմբերի 25-ին: Գրան Պրիի 4-րդ փուլի ընդհանուր հաշվարկով 1-ին և 2-րդ տեղերը զբաղեցրած շախմատիստները հավակնորդների մրցաշարին մասնակցելու իրավունք կստանան:



loading...