Իտալիայի ազգային հավաքականի նախկին հարձակվող Ալեսանդրո Դել Պիերոն խոսել է Աշխարհի 2018թ. առաջնության որակավորման փուլի Եվրոպայի գոտու անցումային` Իտալիա-Շվեդիա պատասխան հանդիպման մասին:
Շվեդիայի հավաքականն առաջին խաղում հաղթել էր Իտալիային նվազագույն հաշվով:
«Չեմ կարծում, որ մենք խնդիրներ ունենք հարձակման գծում: Եթե Իմոբիլեն խաղում է կենտրոնում, ապա դառնում է գոլի հեղինակ գրեթե յուրաքանչյուր խաղում: Վենտուրան շատ տարբերակներ ունի: Նա եզրերում կարող է օգտագործել Ինսինյեին և Կանդրևային:
Իտալիայի ընտրանու կազմում վատ հարձակվողներ չկան»,- Դել Պիերոյի խոսքն է մեջբերում «Sport360»-ը:
Նշենք, որ հանդիպումը կմեկնարկի Երևանի ժամանակով 23:45-ին:
