Կատալոնական «Բարսելոնայի» ղեկավարությունը պատրաստ է ձմեռային տրանսֆերային պատուհանի ժամանակ նոր ֆուտբոլիստներ գնել:
Ինչպես հայտնում է «Sport» պարբերականը, «կապտանռնագույնների» գլխավոր մարզիչ Էրնեստո Վալվերդեն անձամբ է ակումբի ղեկավար Խոսե-Մարիա Բարտոմեուին խնդրել՝ թիմի կազմը նոր ֆուտբոլիստներով համալրել: Սպասվում է, որ կատալոնական ակումբը կուժեղացնի հարձակման և պաշտպանության գծերը:
Կատալոնացիների տրանսֆերային գլխավոր թիրախը կլինի «Աթլետիկո Մադրիդի» ֆրանսիացի ֆուտբոլիստ Անտուան Գրիզմանը, ում տրանսֆերը դեռևս ցանկանում էին գնել մրցաշրջանի մեկնարկից առաջ: Պաշտպանական գիծը ավելի ամուր դարձնելու համար Վալվերդեն դիտարկում է «Աթլետիկ Բիլբաոյի» երիտասարդ խաղացող Էմերիկ Լապորտին գնելու տարբերակը:
