Եվրասիական միջկառավարական հանձնաժողովի ընդլայնված կազմով հաջորդ նիստը տեղի կունենա հունվարի վերջին կամ փետրվարի սկզբին՝ Սոչիում. քիչ առաջ Եվրասիական միջկառավարական խորրդի նիստում հայտարարեց Եվրասիական տնտեսական հանձնաժողովի կոլեգիայի նախագահ Տիգրան Սարգսյանը: Նա նշեց, որ սկզբունքային կարևորություն ունի իրական հատվածում համատեղ ծրագրերի իրականացումը:
«Մենք երկրների կառավարությունների ղեկավարների հետ պայմանավորվել ենք, որ այդ թեման ևս կլինի կոլեգիայի ուշադրության կենտրոնում։ Քննարկման կներկայացվեն եվրասիական բրենդների ստեղծման ու միասնական ձեռնարկությունների հիմնման պիլոտային նախագծեր»,-ասաց նա:
Տիգրան Սարգսյանը նաև հավելեց, որ խորհրդի օրակարգային հարցերից են եղել այն, որ հնարավոր չէ արդիականացման և մրցունակության բարձրասման հասնել առանց թվային օրակարգի:
Մեկ այլ կարևոր հարց է ԵԱՏՄ անդամ պետությունների համաձայնեցված տրանսպորտային քաղաքականության հիմնական ուղղությունների և փուլերի իրականացման «ճանապարհային» քարտեզը: Նաև կարևորվել է ընդհանուր էներգետիկ շուկայի ձևավորումը:
