ԱՄՆ-ը չի կարելի քաղաքակիրթ երկիր անվանել, այդ երկրում լուրջ խնդիրներ կան մարդու իրավունքների հետ կապված: Enter.News-ի հաղորդմամբ՝ այս մասին հայտարարել է Թուրքիայի նախագահ Ռեջեփ Թայիփ Էրդողանը:
«ԱՄՆ-ում իմ թիկնապահների ձերբակալության հրամանագրի արձակումից հետո ես չեմ կարող այդ երկիրը քաղաքակիրթ անվանել»,- ասել է Էրդողանը:
Նրա խոսքով՝ ԱՄՆ-ի և Թուրքիայի միջև գործընկերության հայտարարվող սկզբունքները գործնականում չեն գործում:
Հիշեցնենք՝ հունիսի 15-ին ԱՄՆ-ը Էրդողանի թիկնապահներին ձերբակալելու որոշում է ընդունել:
