Արժանի ֆիլմեր` հոգով ուժեղ մարդկանց մասին, ովքեր պատրաստ են ամեն ինչի, միայն թե հասնեն իրենց նպատակներին:
«Մութ գաղտնիքներ» («Dark Places»)
Ռեժիսոր – Ժիլ Պակե-Բրեներ
Դերերում – Շարլիս Թերոն, Սթերլինգ Ջերինս, Նիկոլաս Հոլտ, Քրիստինա Հենդրիքս, Թայ Շերիդան և այլք
Գիլիան Ֆլինի համանուն վեպի էկրանավորումը: Գլխավոր հերոսուհու ընտանիքին շատ տարիներ առաջ դաժանաբար սպանել են, իսկ հանցագործության մեջ մեղավոր են ճանաչել նրա հարազատ եղբորը: Տարիներ անց նա ծանոթանում է մի ակումբի մասնակցի հետ, որի անդամները զբաղվում են հնչեղ հանցագործությունների հետաքննությամբ, և ինքը սկսում է «փորել» իր ընտանիքի տխուր պատմությունը:
«Ռիկի և Ֆլեշ» («Ricki and the Flash»)
Ռեժիսոր – Ջոնաթան Դեմի
Դերերում – Մերիլ Սթրիփ, Մեմի Համեր, Ռիկ Սփրինգֆիլդ, Ռիկ Ռոսաս, Բերնի Ուորել և այլք
Օսկարակիր Մերիլ Սթրիփը նկարահանվել է սերունդների կոնֆլիկտի մասին ընտանեկան դրամայում, որի համար նույնիսկ կիթառ նվագել է սովորել: Սթրիփի հերոսուհին` Ռիկին, մեծահասակ ռոք-աստղ է, ով չի պլանավորում փոխել իրեն միայն այն բանի համար, որ մեծացել է: Գլխավոր հերոսուհու դստեր դերը խաղում է Մերիլ Սթրիփի հարազատ աղջիկը` Մեմի Համերը:
«Ստաժոր» («The Intern»)
Ռեժիսոր – Նենսի Մայերս
Դերերում – Ռոբերտ դը Նիրո, Էնն Հեթեուեյ, Նատ Վուլֆ, Ռենե Ռուսո, Ադամ Դիվայն, Դրենա դը Նիրո և այլք:
Նենսի Մայերսը գրել և նկարահանել է հերթական կոմեդիան` հասուն մարդկանց կյանքի մասին: «Ստաժորը» պատմում է կյանքի նկատմամբ սիրո մասին: Տարեց տղամարդ Բենը (դը Նիրո) սոցիալական ծրագրով անցնում է աշխատանքի մոդայիկ ընկերությունում, որը հիմնել է երիտասարդ Սեո Ջուլսը (Էնն Հեթեուեյ):
«Մարսեցին» («The Martian»)
Ռեժիսոր – Ռիդլի Սքոթ
Դերերում – Մեթ Դեյմոն, Քեյթ Մարա, Ջեսիկա Չեսթեյն, Քրիսթեն Ուիգ, Շոն Բին, Դոնալդ Գլովեր և այլք
Գիտաֆանտաստիկ դրամատիկական ֆիլմ: Դրյու Գոդարդը սցենարը գրել է Էնդի Ուիրի «Մարսեցին» գրքի հիման վրա:
«Ռոքն արևելքում» («Rock the Kasbah»)
Ռեժիսոր – Բարրի Լևինսոն
Դերերում – Բիլ Մյուրեյ, Բրյուս Ուիլիս, Զոի Դեշանել, Քեյթ Հադսոն, Սարա Բեյկեր և այլք
Ռոք պրոդյուսեր Ռիչի Լանցը, ում կարիերան աստիճանաբար հանգչում է, ուղևորվում է երաժշտական շրջագայության` իր վերջին հաճախորդներից մեկին ուղեկցելու համար: Օրերից մի օր նա հայտնվում է Քաբուլում` մենակ, առանց կոպեկի և փաստաթղթերի: Այդտեղ էլ Ռիչին նկատում է մի աղջկա, ով ֆենոմենալ ձայն ունի, և սկսում է զբաղվել նրան փառքի բարձունքներին հասցնելով:
«Անապատի թագուհին» («Queen of the Desert»)
Ռեժիսոր – Վերներ Հերցոգ
Դերերում – Նիկոլ Քիդման, Ջեյմս Ֆրանկո, Ռոբերտ Պատինսոն, Դեմիեն Լուիս, Ռենի Ֆեյա և այլք
Գերտրուդա Բելլի` անգլուհի գրողի, հնագետի, քարտեզագետի, 20-րդ դարասկզբի Բրիտանական Կայսրության քաղաքական կցորդի կյանքի պատմությունը: Երկար տարիներ Բելլի լավ ընկերն է եղել բրիտանական սպա Թոմաս Էդվարդ Լոուրենսը, ով ավելի հայտնի է՝ որպես Լոուրենս Արաբացի: Բելլը և Լոուրենսը մեծ ազդեցություն են թողել Մերձավոր Արևելքի, մասնավորապես՝ Հորդանանի և Իրաքի քաղաքական ռեժիմների վրա:
«Շեֆ Ադամ Ջոնս» («Burnt»)
Ռեժիսոր – Ջոն Ուելս
Դերերում – Բրեդլի Կուպեր, Սիեննա Միլլեր, Օմար Սի, Ումա Թուրման, Լիլի Ջեյմս և այլք
Երբեմնի հայտնի շեֆ-խոհարարի պատմությունը, ով իր կործանարար հակումների պատճառով կորցնում է Փարիզում իր սեփական ռեստորանը: Որոշելով չհանձնվել` նա նորից հավաքում է իր թիմը, վերակառուցում է լոնդոնյան ռեստորանը և հույս է ունենում 3 աստղ ստանալ:
«Սթիվ Ջոբս» («Steve Jobs»)
Ռեժիսոր – Դեննի Բոյլ
Դերերում – Մայքլ Ֆասբենդեր, Սեթ Ռոգեն, Ջեֆ Դենիելս, Լուիս Սալազար, Քեյթ Ուինսլեթ, Ջոն Օրտիս և այլք
Մոլորակի ամենահզոր ուղեղներից մեկի` «Apple» ընկերության հիմնադիր Սթիվ Ջոբսի կյանքի պատմությունը:
«Մակբեթ» («Macbeth»)
Ռեժիսոր – Ջասթին Կուրզել
Դերերում – Էլիզաբեթ Դեբիկի, Մայքլ Ֆասբենդեր, Շոն Հարրիս, Չեք Ռեյնոր, Դևիդ Հեյման և այլք
11-րդ դար: Շոտլանդացի դավադիր լորդ Մակբեթը հանդիպում է 3 վհուկների, որոնք կանխագուշակում են, որ նա թագավոր կդառնա: Մակբեթը մտածում է սպանել թագավոր Դունկանին և գրավել գահը:
«Մա Մա» («Ma Ma»)
Ռեժիսոր – Հուլիո Մեդեմ
Դերերում – Պենելոպե Քրուզ, Լուիս Տոսար, Ասիեր Էչեանդիա, Թեո Պլանել, Ելենա Կարանսա և այլք
Պենելոպե Քրուզի և իսպանացի ռեժիսոր Հուլիո Մեդեմի առաջին համատեղ աշխատանքը: Քրուզի հերոսուհի Մագդան իմանում է, որ իր մոտ քաղցկեղ է հայտնաբերվել, չնայած նրա կյանքը առանց այն էլ հարթ չէ. նա գործազուրկ ուսուցչուհի է, ով միայնակ դաստիարակում է որդուն:
