Թեհրանը գործողությունների պլան ունի՝ միջուկային գործարքից ԱՄՆ-ի դուրս գալու դեպքում։ Այս մասին լրագրողներին հայտարարել է Իրանի խորհրդարանի խոսնակ Ալի Լարիջանին, հայտնում է RIA Novosti-ն։
«Վերջերս խորհրդարանում մենք որոշել ենք, թե ինչպես կվարվենք, եթե ամերիկացիները ձեռնարկեն այս կամ այն քայլերը»,-նշել է Լարիջանին։
Նրա խոսքով՝ եթե Վաշինգտոնը դուրս գա միջուկային գործարքից, ապա կափսոսա իր որոշման համար։
Լարիջանին հավելել է, որ իրանական պլանը նախատեսում է իրադարձությունների զարգացման տարբեր սցենարներ։
