Լեոնարդո դա Վինչիի վերջին նկարը, որը հայտնաբերվել է մասնավոր հավաքածուներից մեկում, աճուրդի է հանվել 100 մլն դոլար նախնական արժեքով:
Յուղաներկով արված նկարը կոչվում է «Աշխարհի փրկիչը», այն ներկայացնում է Քրիստոսի դիմանկարը և ենթադրաբար ստեղծվել է 16-րդ դարում:
Նկարի պատմությունը ստույգ հայտնի չէ: Նշվում է, որ իսկզբանե նկարը եղել է Կառլ Երկրորդ թագավորի հավաքածուում, այնուհետեւ պատկանել է Բուքինգհեմի դուքսի որդուն: Հետո այն անհետացել է: Աճուրդներից մեկի ժամանակ 1958 թվականին նկարը գտնվել է, սակայն շուտով կրկին անհետացել է:
2005 թվականին աճուրդներից մեկի ժամանակ այս նկարը կրկին հայտնաբերվել է: Հենց այդ ժամանակ էլ ուսումնասիրվել է, թե նկարն ում վրձնին է պատկանում և ինչ պատմություն ունի: