Գերմանիայի արտգործնախարար Զիգմար Գաբրիելը կարծում է, որ Իրանի հետ միջուկային գործարքից ԱՄՆ-ի հնարավոր հրաժարվելը Վաշինգտոնից կհեռացնի Եվրոպային և կմերձեցնի նրան Ռուսաստանի ու Չինաստանի հետ։ Այս մասին նա հայտարարել է գերմանական RND պարբերականին։
«Վճռորոշ նշանակություն ունի այն, որ Եվրոպան միասնական կարծիք ունի այդ թեմայով։ Մենք ստիպված ենք ամերիկացիներին ասել, որ իրանական հարցով նրանց քաղաքականությունը հրում է մեզ՝ եվրոպացիներիս, Ռուսաստանի և Չինաստանի հետ ընդհանուր դիրքորոշման՝ ընդդեմ ԱՄՆ-ի»,-ասել է Գերմանիայի արտգործնախարարը։
Նա ընդգծել է, որ իրանական միջուկային ծրագրով համաձայնագրից ԱՄՆ-ի հրաժարվելու դեպքում անվտանգության հետ կապված իրավիճակը միայն կվատանա, քանի որ կվերադառնա Իսրայելի և Իրանի միջև պատերազմի անմիջական սպառնալիքը։
