1$ = 0 AMD 1€ = 0 AMD

Հայաստանի Փոքրիկ Երգիչները՝ Իսրայելում

Տիգրան Հեքեքյանի ղեկավարած «Հայաստանի Փոքրիկ Երգիչներ» երգչախումբն այս օրերին գտնվում է Իսրայելում՝ ուր մասնակցություն պիտի ունենա խմբերգային արվեստի՝հայտնիԱբու-Գոշ փառատոնին։
Երգչախումբն արդեն իսկ համերգներով հանդես է եկել Իսրայելի մի շարք քաղաքներում՝ Ռեհովոտ, Ակկո, Երուսաղեմ, Նազարեթ, Բեթղեհեմ, Էմեկ-Էֆեր։
Ավետյաց երկրում համերգային շրջագայություն ունենալու հրավերը Տիգրան Հեքեքյանը ստացել է Իսրայելի Արտաքին գործերի նախարարության, Իսրայելի Երգչախմբային Ֆեդերացիայի Աբու-Գոշ միջազգային փառատոնիև «Հայաստանի Փոքրիկ Երգիչներ» երգչախմբի լավ բարեկամ, իսրայելական հայտնի «Էֆրոնի» երգչախմբի հիմնադիր Մայա Շավիթի կողմից։
Տակավին 2․5 տարի առաջ, Եղեռնի 100-ամյակի օրերին, երբ Մայա Շավիթը Տիգրան Հեքեքյանի հրավերով գտնվում էր Հայաստանում, շփվել, աշխատել և մի շարք ելույթներ էր ունեցել «Հայաստանի Փոքրիկ Երգիչներ» երգչախմբի հետ, նա հավետ դարձավ այս խմբի ընկերն ու երկրպագուն։ Այդ օրվանից նա փոքրիկ երգիչներին անվանում էր «երգչախումբայլ մոլորակից» և սրտում փայփայում երազանք՝ հնարավորություն ստեղծել, որ Իսրայելի երաժշտասեր հասարակությունն ու արվեստի ներկայացուցիչները ևս կարողանան առընչվել, իր խոսքերով, «խմբերգային արվեստի հայկական ֆենոմենի» հետ։
Եվ ահա այսօր այդ երազանքն իրականություն դարձավ։
Սույն թվականի հոկտեմբերի 5-ին մեկնարկած և առ այսօր ընթացքի մեջ գտնվող շրջագայության շրջանակներում «Հայաստանի Փոքրիկ Երգիչների» կատարմամբ հնչող դասական, հայ և արտասահմանյան հոգևոր, ժամանակակից, ջազային, հրեական ստեղծագործությունների կատարումները բուռն, ոտընկայս ծափերով են դիմավորում իսրայելական ամենատարբեր դահլիճներում և տաճարներում։
Յուրաքանչյուր ելույթ եզրափակվում է Մայա Շավիթի ոգեշունչ խոսքերով հայ ժողովրդի, Ցեղասպանության մասին նրա հիշողության, շուրջ 100 տարի մղվող պայքարի մասին, որն այս ժողովուրդն անում է նաև ծաղիկների լեզվով, իսկ առավել արդյունավետ՝ այս բարձրակարգ երգչախմբի գործունեության միջոցով։ Հույս էր հայտնում, որ իսրայելական կառավարությունը պաշտոնապես կընդունի հայոց ցեղասպանության փաստը, ինչն ամենուր հանդիսատեսն ընդունում է ջերմ ծափերով։
Ունկնդրի արձագանքն ամեն ելույթից հետո հիացական է։
«Ձեր մոգական հնչյուններն անհնար է մոռանալ։ Ես նման բան երբեք չեմ լսել»։
«Կարմիել Նուֆար» երգչախմբի խմբավար։

«Նման որակի երգչախումբ չկա Իսրայելում։ Ոչ մի տեղ չկա։ Նման պրոֆեսիոնալիզմ, սեր՝ առ արվեստն ու երաժշտությունը, որը կատարողից փոխանցվում է հանդիսատեսին։ Համաշխարհային մակարդակի երաժիշտներ եք, և մեզ համար մեծ պատիվ էր ձեզ լսելու հնարավորությունն ունենալը։ Շնորհակալ ենք»։
Ռիտա Վինոկուր
Ռեհովոտ քաղաքի կոնսերվատորիայի տնօրեն, քաղաքի մշ․ բաժնի ղեկավար։

Ինչպես միշտ, հայ երգող մանուկների առօրյան չի սահմանափակվում միայն համերգներով։ Երեխաները հասցրել են այցելել Սուրբ երկրի խորհրդանշական ու նվիրական վայրերն, ինչպես Բեթղեհեմի Ծննդյան տաճարի՝ սրբատեղի դարձած մսուրը, որտեղ մասնակցել են Հայ եկեղեցու կողմից մատուցվող ս․ Պատարագին։ Ելույթ ունեցան Նազարեթի Սելեզյան տաճարում, եղան Ակկոյի հին քաղաքում, որտեղ այս օրերին մեծ թատերական փառատոն է ընթանում, Երուսաղեմի՝ հայկական ճեմարանի տարածքում, նաև՝ Սուրբ Հակոբյանց տաճարում, որտեղ ևս ծրագրվում է մասնակցություն ունենալ հոկտեմբերի 14-ի, լույս 15-ի գիշերվա Պատարագի արարողությանը։
Առջևում Աբու-Գոշ փառատոնն է, որին մասնակցում են աշխարհի լավագույն երգչախմբերն ու մենակատարները։ Այնուհետև՝ ևս երկու ազատ օր Սուրբ քաղաքում՝ Երուսաղեմում, որտեղի հայկական եկեղեցում նպատակ ունեն սուրբ Մկրտություն ստանալ երգչախմբի այն երեխաները, ովքեր մինչ այս մկրտված չեն եղել։ Թերևս՝ լավագույն եզրափակումն Ավետյաց երկիր կատարած երաժշտական ուխտագնացության համար։

loading...
Լրահոս
Ստեփանծմինդա - Լարս ավտոճանապարհը բաց է տրանսպորտային բոլոր միջոցների համար Աշակերտների վեճն ավարտվել է դանակահարությամբ. նրանցից երկուսը հիվանդանոցում են «WCIT 2018»-ի շրջանակներում ներկայացվել են Հայաստանի ՏՀՏ ոլորտի ձեռքբերումներն ու նվաճումները Վարդենյաց լեռնանցքը դժվարանցանելի է Մենք այլ ճանապարհ չունեինք. Բակո Սահակյանը՝ Արցախյան շարժման 30-ամյակի առթիվ 15 տոննա գիրքը՝ մեկ կիլոգրամը 30 դրամով Վթարային ջրանջատում Երեւանի Նոր Նորք վարչական շրջանում Էլեկտրաէներգիայի պլանային անջատումներ Երեւանում եւ հինգ մարզերում Պայթյուն Երեւանում․ տունը փլուզվել է, վնասվել 10 մեքենա, տարհանվել 14 մարդ Ինչպե՞ս է այն անցել Արմեն Սարգսյանի եւ Ծառուկյանի տետ-ա-տետ հանդիպումը․ «Ժամանակ» Բժիշկները կռվել են հիվանդ «գողանալու» պատճառով. մանրամասներ՝ «Գյումրիի» ԲԿ-ում ծեծկռտուքի դեպքից «Իրավունք» Նորանշանակ բանտապետի գործերը վատ են. «Ժողովուրդ» Ինչո՞ւ Նորիկ Սիմոնյանին բանակ չեն տարել՝ «թուրք սպանելու փոխարեն հորը սպանեց»․ «Ժամանակ» Լվացքի մեքենայի խնդիրը բանակում․ «ՀԺ» 3,2 մլն դրամն ու Գարեգին Բ-ի եղբոր որդին. մանրամասներ «Ժողովուրդ» Երեւանի քաղաքապետարանը գնալով վերածվում է կալանավայրի՝ «զոնի»․ «Ժողովուրդ» Իշխանությունները շատ լավ գիտեն, թե Աբրահամյանը ինչով է «զբաղված» եւ «ումով»․ «Իրատես» Սերժ Սարգսյանն առաջին անգամ խոսեց այդ մասին. «Ժամանակ» Ալեքսանյանի զարմիկ-թաղապետը «ա լա հոպար» սեփական դղյակն է կառուցում, բայց փոքր-ինչ տխուր է. «Հրապարակ» Փետրվարի 20-ի աստղագուշակ Ո՞ր սանրվածքներն են մազաթափություն առաջացնում Կենսագրական 5 ֆիլմեր, որոնք կսովորեցնեն սիրել կյանքը Քնելուց առաջ օգտագործեք այս ըմպելիքը և առավոտյան առույգ կլինեք Զարմանալի փաստեր արքայադուստր Դիանայի մասին, որոնք չգիտեիք Երազների նշանակությունը