«Ժամանակ» օրաթերթը գրում է. «Գորիսի քաղաքապետի ժամանակավոր պաշտոնակատար Առուշ Առուշանյանը անդրադառնալով Սյունիքի նախկին մարզպետ Սուրիկ Խաչատրյանի՝ իր վերաբերյալ դիտարկումներին՝ «Ժամանակ»-ի հետ զրույցում հակադարձեց.
«Խաչատրյան Սուրիկը ունեցել է աշխատելու շատ ժամանակ ու հնարավորություն: Թե որքանով է կարողացել իրեն արդարացնել, գնահատականը տրված է՝ նախկին մարզպետ: Ծեծկռտուքի միջադեպ Սուրիկ Խաչատրյանի հե՞տ… Բոլորը գիտեն, ես միակ գործարարը չեմ, ով նախկին մարզպետի հետ, մեղմ ասած, անհամաձայնություն է ունեցել: Կարծում եմ՝ անցյալը փորփրելու կարիք չկա. կարեւորն այն է, որ այսօր արդեն մեր համայնքում գործարարության զարգացման ու ներդրումների համար առողջ եւ արդար, բարիդրացիական մթնոլորտ է ստեղծված»,- ասաց Առուշանյանը»:
Առավել մանրամասն՝ թերթի այսօրվա համարում
