Ներդրողների ակումբին չեմ միացել, որովհետև պարտադիր չէ, որ դրան բոլորը միանան: Այս մասին լրագրողների հետ զրույցում հայտարարել է Ռուսաստանում հայերի միության նախագահ Արա Աբրահամյանը:
Այն հարցին, թե ինչո՞ւ չմիացավ ներդրողների ակումբին, ինչո՞ւ իրեն չեն չհրավիրել միանալ ակումբին, Աբրահամյանն արձագանքել է. «Հարցը պետք է իրենց տաք: Այդպիսի խնդիր չի առաջացել, որ հրավիրեն կամ չհրավիրեն: Դա կամավոր է, ով ցանկացել է՝ միացել է»:
Ճշտող հարցին՝ եթե կամավոր է, ինչո՞ւ չմիացավ ակումբին, Արա Աբրահամյանը նախ խուսափել է պատասխանել, ապա նշել. «Ես չեմ կարող բոլոր տեղերը մասնակցել, միանալ: Հազար գործ կա, որ ես անում եմ: Ես իմ գործերն ունեմ, պարտադիր չէ, որ բոլորը միանան: Լավ կազմակերպություն է, ժամանակ է պետք, որ իրենք կարողանան իրենց մտքերը իրականացնել»:
