Շուկայի վերահսկողության տեսչական մարմինն սկսել է ստուգումներ օծանելիքի եւ կոսմետիկ արտադրանքի շուկայում։
Շուկայի վերահսկողության տեսչական մարմնից հայտնում են, որ ԵՏՄ տեխկանոնակարգրերի հաստատումից հետո առաջին ստուգումներից եւ ԶԼՄ-ներում դրանց անդրադառնալուց հետո տնտեսվարողները դիմում են տեսչական մարմնին` խնդրելով տեղեկություններ տրամադրել արտադրանքի անվտանգության տեխկանոնակարգերի մասին։
Տեխկանոնակարգերի առումով ողջ տեղեկությունը ներկայացված է prosafe.am կայքում, իսկ կոնկրետ արտադրանքի մասին այն կարելի է գտնել հետեւյալ հղումով՝ prosafe.am/verahskoghutyan-volort.html
Շուկայի վերահսկողության տեսչական մարմինը սպառողներին կոչ է անում զգուշանալ անհայտ ծագման ապրանք ձեռքբերելուց, ուշադրություն դարձնել ապրանքի մակնշմանը, որտեղ պետք է նշված լինեն արտադրման երկիրը, օգտագործման որոշ հրահանգներ։ Շատ կարեւոր է հատկապես պիտանելիության ժամկետը։
«Ի վերջո, կասկածներ առաջանալու դեպքում պահանջե'ք որակի հավաստման փաստաթուղթ` սերտիֆիկատ կամ հայտարարագիր։
Իսկ ոլորտում ստուգումների մասին ՇՎՏՄ-ն տեղեկություններ կներկայացնի դրանց արդյունքների ամփոփումից հետո»,-ասված է հաղորդագրության մեջ:
