1$ = 0 AMD 1€ = 0 AMD

Իմ կյանքը «Ք.Ա.Ք»-ն է. Ս. Դանիելյանի «Կյանքը մեկ օրում» (բացառիկ լուսանկարներ «Դիվադադարի» նկարահանումներից)

-Պարոն Դանիելյան, Ձեզ կամ սիրում են, կամ՝ ոչ, չկա միջին վիճակ: Դուք ինքներդ Ձեր ո՞ր հատկանիշն եք առավել գնահատում Ձեր մեջ:

-Ես ինձ չեմ գնահատում, դրանով ուրիշներն են զբաղված:

-Ինչպե՞ս են ընթանում Ձեր կուսակցության գործերը: Ի վերջո, անվանումն ընտրելուց մտածել եք աղմուկ բարձրացնելու մասին: Ո՞ր կուսակցությունն եք համարում Ձեզ մրցակից կամ գոնե հավասար:

-Բացարձակ: Ինչ եք ասում, ես բացարձակ չեմ մտածել: Ես մրցակցությունից դուրս եմ: Հավասար են միայն իշխող կուսակցությունն ու ԲՀԿ-ն՝ մեծ կուսակցությունները էլի: Մի քիչ ինձանից պակաս են, իհարկե, բայց ոչինչ, ես իրենց կօգնեմ, կբարձրանան իմ մակարդակին:

-Դուք անում եք բաներ, որոնք հայկական իրականության մեջ համարձակություն են կոչվում, հետաքրքիր է՝ ո՞րն է Ձեզ համար սահմանը, որը երբեք չեք անցնի:

-Ոչ մի համարձակություն չկա այստեղ, այստեղ հոգուս կանչն է միայն:

-Սահմաններ չունե՞ք, չկա մի բան, որի մասին չեք խոսի: -Երբեմն մարդիկ չեն տարբերում Դուք լուրջ եք խոսում, թե հումոր եք անում. ո՞ր թեմաներն են, որ Ձեզ համար փակ են ու դրանց մասին կամ կխոսեք լուրջ, կամ չեք խոսի առհասարակ:

- Չի եղել այդպիսի հարց, որ ինձ տան, ես ասեմ՝ չեմ խոսելու: Չգիտեմ…

-«Դիվադադար» հաղորդմամբ Դուք շատերին եք նյարդայնացնում, այս ընթացքում երբևէ եղե՞լ է դեպք, երբ իսկապես զգացել եք պահի լրջությունը, մտածել եք Ձեր անվտանգության համար:

-Չէ, չէ, ինչեր եք խոսում: Ես ում եմ ինչ անում…

-Սպառնալիքներ չե՞ն հնչել այս ընթացքում:

-Բացարձակ: Մի հատ բոլոր «Դիվադադարները» նայեք՝ արժանապատվությանը չեմ կպել ոչ մեկի, ընտանիք չեմ մտել, հարգանքով եմ խոսել միշտ:

-Քաղաքական գործիչների կողմից երբևէ զանգեր չե՞ն եղել:

-Չէ, չէ, չէ: Դեռ առիթը չեմ տվել:

-Դեռ չե՞ք տվել՝ ըստ Ձեզ…

-Երբեք էլ չեմ տվել: Ես միշտ «Ք.Ա.Ք»-ի սահմանների մեջ եմ, մեր կանոնադրության սահմանների մեջ:

-Կա՞ մի բան, որ պարտադիր է Ձեր առօրյայում աշխատանքային ժամերից հետո:

-Ես երբեք ոչ մի բան պարտադրված չեմ անում, ինձ դուր է գալիս գնալ տուն, ինչ-որ բան անել, ուրեմն կայֆով եմ անում: Հաց եմ ուտում, երեխեքիս, կնոջս հետ եմ նստում, քնում ենք գիշերները: Ամուսնական պարտք չէ՝ պարտադիր, բայց ոչ պարտադրված:

-Ի՞նչն է Ձեզ ամենից շատ երջանկացնում և կյանքում ինչի՞ համար եք ամենից շատ շնորհակալ:

-Ամեն ինչը: Ամեն ինչի համար շատ շնորհակալ եմ, ոչ մի վատ բան չի կատարվել, փառք Աստծո: Այնքան դժբախտ մարդ կա…Ամեն ինչը երջանակցում է, երբեմն ինչ-որ բաներից տխրում ես, բայց դա դժբախտություն չէ:

-Երբևէ Ձեր որևէ ընտրության, որոշման, քայլի համար զղջացե՞լ եք:

Հա, իհարկե: Երևի կլինեն այդպիսի դեպքեր, բայց որ ասեմ մի խորը բան է թողել իմ ենթագիտակցության մեջ , որ հիշեմ ու լացեմ ինչպես քահանայի մոտ են լացում, այդպիսի բան չի եղել:

-Ո՞րն է եղել ամենակարևոր դերը, որ երբևէ խաղացել եք, կամ դեռ երազում եք խաղալ:

Ես դերեր չեմ խաղացել: Ես այն եմ, ինչ կամ:

-Իսկ որպես դերասա՞ն:

-Բոլոր կարևոր դերերը խաղացել եմ: Ամսի 24-ին իմ ներկայացումն է Կամերային թատրոնում:

-Միշտ հայտարարում եք, որ իշխանամետ եք և որ Ձեր կուսակցությունը ևս իշխանությանը օգնելու համար է: Ինչպե՞ս եք օգնելու, ի՞նչ եք հասկանում իշխանամետ ասելով:

Օգնելու եմ շատ հարցերում: Ի վերջո, գիտեք, որ իրենք զգան, որ «Ք.Ա.Ք»-ը իրենց մեջքին է, արդեն լավ կզգան իրանց: Լա՞վ չէ, որ մեկն ուղղակի սատարում է, ասենք վատ ես զգում, ինքը ձեռքդ բռնում է, ասում՝ գիտես ինչ, ես քեզ հետ եմ ու արդեն լավա չէ՞: Ես կբռնեմ, օրինակ, Գալուստ Սահակյանի ձեռքը, Հերմինե Նաղդալյանի ձեռքը կհամբուրեմ ու կասեմ՝ ես ձեզ հետ եմ էրեխեք ջան, մի մտածեք, ամեն ինչ լավ է լինելու:

-Պարոն Դանիելյան, Ձեզ մեղադրում են ընտրական պրոցեսը անլրջացնելու մեջ:

-Ղալաթ են անում, եթե պիտի իմ «Ք.Ա.Ք» -ով անլրջանա էդ ընտրական պրոցեսը…

-Այսինքն այն այնքան անլուրջ է, որ …

-Չէ, Դուք միշտ ենթատեքստեր եք ման գալիս իմ խոսքի մեջ, ես շատ ուղիղ եմ, ոչ մի ենթատեքստ իմ ասածի մեջ չկա: Այն է, ինչ կա:

-Ձեր ինչի՞ն է պետք քաղաքականությունը:

-Ոնց թե ինչին…ես քաղաքացի եմ, «Քաղաքացիական ակտիվ քայլ» ստեղծել եմ Արմանի հետ բա ինչի՞ համար, որ օգնեմ:

-Իսկ քաղաքականությունը Ձեզ ո՞նց պիտի օգնի:

-Ես անշահախնդիր եմ օգնում, միայն ես եմ օգնում:

-Ձեզ պատգամավորի դերում պատկերացնո՞ւմ եք:

-Միայն ինձ եմ պատկերացնում:

-Ի՞նչ պիտի անեք ԱԺ-ում:

-Ոչինչ: Ոչինչ չեմ անելու, աշխատավարձը ստանալու եմ, մի լավ ուտեմ, խմեմ, տժժամ:

-«SOS» նախաձեռնության տղաները ևս փաստորեն պատրաստվում են միանալ Ձեր կուսակցությանը:

-Պատրաստվում եմ միանալ, շատ ուրախ եմ, շատ ողջունելի է: Ի վերջո, եթե բոլոր կուսացկությունները միացել ու միանում են, ինչո՞ւ «SOS»-ը չմիանա: Չէ որ մեր ուժը մեր միասնական «Ք.Ա.Ք»-ի մեջ է:

-Կա՞ն էլի հայտնի մարդիկ, ում հետ բանակցություններ են տարվում:

-Այո՛, կան: Բանակցությունները գնում են, դեռ չեմ ասում:

-Դուք բացառո՞ւմ եք, որ որևէ ուժի հետ գուցե դաշինք կկազմեք ընտրություններից առաջ:

-Ես արդեն դաշինքի մեջ եմ բոլորի հետ՝ մտովի թեկուզ:

-Քաղաքական գործիչների կողմից «Ք.Ա.Ք»-ի գործունեության, Ձեր հայտարարությունների վերաբերյալ ինչ-որ արձագանքներ չե՞ն եղել, հասել են Ձեզ:

-Եղել են արդեն արձագանքներ՝ շատ բարի, շատ լավ, որովհետև զգում են, որ ես շատ լավ ծրագրով եմ գալու:

-Իսկ ո՞ր ուժերի կողմից է եղել արձագանք:

-Եղել է մի քանի ուժի կողմից, չեմ ուզում ասեմ, թե որ:

-Ընդհանուր թվով քանի՞ անդամ ունի այժմ կուսակցությունը:

-Մոտ 500:

-Կա՞ն որոշակի չափանիշներ, որոնց պետք է համապաստասխանի «Ք.Ա.Ք»-ի անդամը:

-Այո: Նախ չպիտի լինի որևէ կուսակցության անդամ, հետո պետք է ընդունի «Ք.Ա.Ք»-ի կանոնները:

-Կուսակցության երիտասարդական թև ստեղծելու գաղափար կա՞:

-Երիտթև ստեղծելու ենք, այո՛: Ցնցող երիտասարդների ռազմավարություն է կոչվելու՝ «Ց.Ե.Ռ», որը կլինի մեր պլատֆորմի հիմքը:

-Ի՞նչ կասեք ժողովրդին, պարոն Դանիելյան:

-Ես ձեր ցավը տանեմ, «Ք.Ա.Ք»-ը ձեզ հետ է, ոչ մի վայրկյան չկասկածեք: «Ք.Ա.Ք»-ը մեր ուժն է, մեր զենքը մեր «Ք.Ա.Ք»-ն է:

Մտքերը շարունակելով…

Իմ կյանքը… «Ք.Ա.Ք»-ն է:

Մի օր ես… կզարթնեմ:

Կյանքը մեկ օրում… կյանքը մեկ օրում չի կարելի:

Տարիների ընթացքում… լավ ա լինելու:

Իմ օրերի մեջ… իմ օրերից դուրս:

Կարինա Սահակյան

Տաթև Այվազյան

Լուսանկարները՝ Մաքսիմ Սարգսյանի

loading...
Լրահոս
Oգոստոսի 24-ի աստղագուշակ Լիլիթ Հովհաննիսյանի նոր լուսանկարը գերել է հազարավոր քաղաքացիների Շոու բիզնեսում յուրաքանչյուր հայտնի աղջիկ գիտի, որ սեքսը վաճառվում է. Իջին Բնական բաղադրատոմս՝ որովայնի ճարպից ազատվելու համար Պատրաստվում եմ հաղթել բոլոր մրցաշարերում, որոնց մասնակցելու եմ.Արթուր Ալեքսանյան Այն պահը, երբ հարսի մայրն իր գեղեցկությամբ խամրեցնում է հարսի փայլը (տեսանյութ) Ահա, թե ինչու այլևս երբեք հեռախոսը Ձեզ հետ չեք տանի զուգարան ՀՐԱՏԱՊ.Ռիչարդ Հոգլանդը հրապարակել է Լեռնային Ղարաբաղի հակամարտության կարգավորման հիմնական կետերը Samsung-ը ներկայացրել է նոր՝ Galaxy Note 8 սմարթֆոնը Իդեալական սպիտակ արմունկներ ընդամենը մեկ կոճակ ասպիրինով ՄՅՈւ-ի նախկին հարձակվողը տեղափոխվեց Հնդկաստան Երբեք մի խմեք գիշերը մահճակալի կողքին դրված ջուրը․ ահա՝ ինչու Իտալիայում խեղդվող մուսուլման կինը հրաժարվել է արական սեռի փրկարարի օգնությունից Ինչպես արագ նիհարել` պառկած վիճակում Վիդիչը պատմել է, թե ինչ է ակնկալում Մխիթարյանից Ինչպե՞ս արագ և հեշտ ազատվել մազերի յուղոտվածությունից Իրաքի արևելքում 5.6 մագնիտուդ ուժգնությամբ երկրաշարժ է տեղի ունեցել Հնդկաստանի դպրոցներից մեկում ամոնիակի բալոն է պայթել «9 աստղ». չինական մեթոդը կպատմի ամեն ինչ ձեր բնավորության մասին Իրանի գործողությունները սպառնում են աշխարհին. Նեթանյահու «Արմիա-2017» միջազգային ռազմատեխնիկական ցուցահանդեսին ՀՀ ռազմարդյունաբերական համալիրը ներկայացված է առանձին տաղավարով Այս աշնան ամենանորաձև կաշվե բաճկոնները.լուսանկարներ Մեսսիի պատմությունը Բարսելոնայի համար կարող է ավելի վատ ավարտվել, քան Նեյմարի հետ 5 պատճառ, թե ինչու մինչ օրս ամուսնացած չեք «Ուզում եմ ևս մեկ անգամ շնորհակալություն հայտնել անտառային հրդեհների մարման ժամանակ ցուցաբերած աջակցության համար».Ս.Սարգսյան