Արցախում մարտական հերթապահություն կրող անձնակազմերի ծառայությունը դարձել է առավել անվտանգ: Այս մասին նշել է Արցախի նախագահի խորհրդական Տիգրան Աբրահամյանը:
«2016 թվականի ապրիլյան մարտական գործողություններից հետո բազմիցս խոսվել է առաջնագծի լրակահավորման, ամրաշինական գործողությունների, վերազինման, սահմանը տեխնիկական միջոցներով ապահովման անհրաժեշտության մասին:
Այս ընթացքում իսկապես ահռելի աշխատանք է տարվել, որի արդյունքում ծառայությունը որակապես լրիվ այլ մակարդակի է հասցվել:
Մարտական հերթապահություն կրող անձնակազմերի ծառայությունը դարձել է առավել անվտանգ, հակառակորդի շարժերը՝ առավել կանխատեսելի, զսպող մեխազնիմները՝ առավել արդյունավետ»,-գրել է նա Facebook-ի իր էջում: