Դանիայի ափամերձ ջրերում առավոտյան գտել են կնոջ մարմին առանց գլխի և վերջույթների: Կոպենհագենի ոստիկանությունը ենթադրվում է, որ դա օգոստոսի 10-ից փնտրվող լրագրող Քիմ Վալի մարմնի մասն է: Քիմը կորել էր աշխարհում ամենամեծ մասնավոր սուզանավի նախագծող և սեփականատեր Պետեր Մադսենի հետ հարցազրույցից հետո օգոստոսի 10-ին, հաղորդում է BBC-ին: «Նաուտիլուս» սուզանավով Պետեր Մադսենն ու լրագրողուհի Քիմ Վալը Քեգե ծովածոց (Կոպենհագենից հարավ) էին դուրս եկել օգոստոսի 10-ի երեկոյան:
Հաջորդ օրը առավոտյան Քիմի ընկերը ոստիկանություն էր դիմել Քիմի անհետացման մասին հայտարարությամբ: Սուզանավի սեփականատեր Մադսենը հայտարարել է, որ սուզանավը խորտակվել է օգոստոսի 10-ի երեկոյան տեխնիկական խնդիրների պատճառով, սակայն ինքը կարողացել է փրկվել, նրան վերցրել է մեկ այլ նավ:
Կոպենհագենի ոստիկանությունը, սակայն, կասկածում է, որ սուզանավը միտումնավոր է խորտակվել: Մադսենը կալանավորված է մինչև սեպտեմբերի 5-ը: Ոստիկանությունը նավի ստեղծողին կասկածում է լրագրողուհու սպանության և նրա մարմնից ազատվելու մեջ:
Մադեսնը չի ընդունում մեղադրանքը: Հետաքննությունն անցկացվում է փակ դռների հետևում: Այսօր առավոտյան Քիմ Վալի մարմինը գտնվել է ափամերձ ջրերում՝ առանց գլխի և վերջույթների: Այն նկատել է մի հեծանվորդ և հայտնել ոստիկանությանը: Մարմինն ուղարկվել է դատաբժշկական փորձաքննության: Ոստիկանությունը ենթադրում է, որ դա Քիմ Վալի մարմինն է: Քիմ Վալը 30 տարեկան էր: Ապրում էր Նյու Յորքում: Որպես ազատ լրագրող աշխատում էր New York Times, Guardian թերթերի, ինչպես նաև Vice հանդեսի համար:
