Ֆրանսիական The Voice Kids երաժշտական նախագծի կույր լսումների ժամանակ հայազգի Մոնիկան իր կատարմամբ ստիպել է ժյուրիի անդամներին պտտվել իր կողմ։ Այս մասին հայտնում է tf1.fr-ն։
13-ամյա աղջիկը ֆրանսիական հեռուստաշոուի բեմում կատարել է Ուիթնի Հյուսթոնի հանրահայտ I have nothing ստեղծագործությունն ու գովեստի խոսքերի արժանացել ժյուրիի անդամների՝ ֆրանսիացի կատարողներ Պատրիկ Ֆիորիի, Մ.Պոկորայի և Ջենիֆերի կողմից։
Մոնիկան հեռուստաշոուի աստղային ժյուրիին ասել է, որ բեմում է 3 տարեկանից և կարող է կատարել 5 լեզուներով, այդ թվում հայերեն։
Մոնիկան խոստովանել է, որ Շառլ Ազնավուրի երկրագուն է և հպարտանում է իր հայկական արմատներով։