Հիմալայներում գտնվող մի գյուղակում, որտեղ ապրում է «ադի» ցեղը, առնետներին շատ են սիրում՝ ոչ միայն որպես կենդանատեսակ, այլև ճաշատեսակ:
Ամեն տարի մարտի 7-ին «ադի» ցեղը նշում է իր ազգային տոնը, որը կոչվում է «արան»: Տոնական ճաշատեսակը առնետներից է: Ադիներին ամենից շատ դուր է գալիս նրանց պոչից ու թաթիկներից պատրաստված ռագուն, որը եփելիս օգտագործվում են նաև կենդանիների ներքին օրգանները: Որպեսզի ռագուն ավելի համեղ լինի, ավելացնում են իմբիր, չիլի և աղ:
Ֆինլանդացի Վիկտոր Բեննո Մեյեր-Ռոչովը, որն ուսումնասիրում է ադիների կյանքը, իր աշխատություններից մեկում պատմել է առնետների հետ կապված այլ սովորությունների մասին ևս, որոնք ընդունված են այս ցեղի մոտ. հարսանիքի ժամանակ նորահարսի ծնողներին ադիները սատկած առնետներ են նվիրում, որպեսզի նրանք շատ չտխրեն, որ դուստրն այլևս իրենց հետ չի ապրելու: Իսկ գարնան գալուն նվիրված տոնին երեխաներին, որպես նվեր, սատկած առնետներ են տալիս:
Թե որտեղից են առաջացել այս տարօրինակ սովորությունները և յուրահատուկ սերն առնետների նկատմամբ, ֆինլանդացի հետազոտողին չի հաջողվել պարզել:
