Չինաստանի Չժեցզյան նահանգի Հանչժոու քաղաքում առաջին ինտերնետ դատարանի պաշտոնական բացումն է տեղի ունեցել, հայտնում է «ՌԻԱ Նովոստի»-ն՝ հղում կատարելով Չինաստանի Կենտրոնական հեռուստատեսությանը:
Բացման արարողությանը մասնակցել են Չինաստանի Գերագույն ժողովրդական դատարանի նախագահ Չժոու Ցյանը և Չինաստանի ԿԿ-ի նահանգի կոմիտեի քարտուղար Չե Ցզյունը:
Այս դատարանը կքննի այն գործերը, որոնք կապված են առցանց առևտրում խարդախությունների, պարտքային պայմանագրերի առցանց կնքման հետ, համացանցում հեղինակային իրավունքների խախտումների վերաբերյալ գործերը:
