Իրաքի վարչապետ Հայդեր ալ-Աբադին հայտարարել է Սիրիայի հետ սահմանին ԴԱԻՇ խմբավորման գրոհայինների վերջին խոշոր պատվարի՝ Թալ-Աֆար քաղաքի ազատագրման գործողության մեկնարկի մասին։ Այս մասին փոխանցում է RIA Novosti-ն։
«Մեր թանկագին քաղաք, եկել է Թալ-Աֆարի ազատագրման ժամանակը»,-ասել է նա հեռուստատեսությամբ։
Նրա խոսքով՝ Իրաքի բանակի բոլոր դիրքերն ուղղվում են Թալ-Աֆարի կողմը՝ դրա ազատագրման համար։
«ԴԱԻՇ-ը պետք է կա՛մ հանձնվի, կա՛մ մեռնի»,-նշել է վարչապետը։
Իրաքի իշխանություններն օգոստոսի 15-ի հայտնել էին քաղաքում գրոհայինների դիրքերի ուղղությամբ ավիահարվածների մեկնարկի մասին։ Թալ Աֆարը բնակեցված է հիմնականում իրաքցի թուրքմեններով, ովքեր հանդիսանում են սուննի մուսուլմաններ։
