Facebook-ի հիմնադիր Մարկ Ցուկերբեգը հայտարարել է արձակուրդ գնալու մասին՝ երկրորդ երեխայի ծննդից հետո:
«Մեր դուստրը շուտով լույս աշխարհ կգա, և ես նորից ծրագրում եմ երկու ամսով արձակուրդ վերցնել… Եվ ես վստահ եմ, որ երբ վերադառնամ, գրասենյակն իր տեղում կլինի»,- գրել է նա Facebook-ի իր էջում:
Ցուկերբերգի խոսքով՝ մեկ ամիս նա կվերցնի դստեր ծննդից անմիջապես հետո, իսկ երկրորդը՝ դեկտեմբերին:
«Facebook-ում մենք ծնողներին տրամադրում ենք 4-ամսյա արձակուրդ, քանի որ, հետազոտությունների համաձայն, եթե աշխատող ծնողները նորածնին ժամանակ են հատկացնում, դա լավ է ամբողջ ընտանիքի համար»,- նշել է նա:
