Վրաստանի դատախազությունն ուկրաինական դատախազությանը երկրի նախկին նախագահ, Ուկրաինայի Օդեսա շրջանի նախկին նահանգապետ Միխեիլ Սաակաշվիլիի արտահանձնման հերթական պահանջն է ուղղել, գրում է korrespondent.net-ը:
«Միխեիլ Սաակաշվիլիի հարցով Վրաստանի գլխավոր դատախազությունն ուկրաինական կողմին Վրաստան նրա արտահանձնման մասին իրավական դիմում է ուղարկել: Երկու երկրների դատախազություններն ակտիվ համագործակցում են»,- ասված է Վրաստանի դատախազության հայտարարությունում:
Ուկրաինական կողմը բազմիցս մերժել է Վրաստանին Սաակաշվիլիի արտահանձնման հարցում:
Հիշեցնենք, որ Վրաստանի արդարադատության նախարար Թեա Ցուլուկիանին հայտարարել է, որ Սաակաշվիլիի դեմ հարուցված է չորս քրեական գործ, և Թբիլիսին պահանջելու է նրա արտահանձնումը ցանկացած երկրից, որտեղ էլ նա որոշի մեկնել:
