Մոտ 340 անձիք, ովքեր փորձել են ծովով Աֆրիկայի ափերից հասնել Իսպանիա, փրկվել են այսօր։ Այս մասին հայտնում է Իսպանիայի ծովային փրկարար ծառայությունը։
«Այսօր փրկվածների ընդհանուր թիվը կազմում է 339։ Նրանք բոլորը տեղափոխվել են Տարիֆա»,-ասվում է հայտարարությունում, որը հրապարակվել է Twitter-ում ծառայության միկրոբլոգում։
Փրկարարների տվյալներով՝ նրանք Իսպանիայի ափեր են ժամանել նավերով։
2017 թվականի սկզբից Իսպանիա ժամանած անօրինական ներգաղթյալների թիվն անցած տարվա նույն ժամանակահատվածի համեմատ կրկնակի աճել է։