Մենուա Հարությունյանը Ֆեյսբուքյան իր էջում գրել է.
Նրանք, ովքեր կարճ ժամանակ առաջ Պաշտպանության նախարար Սեյրան Օհանյանին ձեքով բարևելու կամ նրա մեկ հայացքին արժանանալու համար պատրաստ էին մինչև գետին կռանալ, այսօր վիրավորում կամ վատաբանում են իրենց երբեմնի կուռքին...
Նրանք, ովքեր ամիսներ առաջ վարչապետ Հովիկ Աբրահամյանին իրենց հորից շատ էին սիրում, ատամներով պաշտպանում էին իրենց երբեմնի հորը կամ նրա բարձր հովանու ներքո ծրագրեր էին իրականացնում և հարուստ ապրում, այսօր ծաղրում և անձնական վիրավորանքներ են հասցնում իրենց երբեմնի հորը...
Ի դեպ, Հովիկ Աբրահամյանի վարչապետության ժամանակ, երբ նրան բազմիցս քննադատում էի, այսօր արդեն նախկին ՀՀԿ-ական Հովիկ Աբրահամյանին վիրավորող «անհատներն» ու ֆեյքերը իմ դեմ կռիվ էին տալիս` պաշտպանելով վարչապետ Հովիկ Աբրահամյանին...
Բայց ինձ ամենից շատ զարմացնում է այն գործող պաշտոնյաների հրճվանքը, ովքեր չեն հասկանում,որ այս անսկզբունքային և մարդկային որակներ չունեցող «անհատներն» ու ֆեյքերը մեկ գեղեցիկ օր էլ իրենց են նույն կերպ վիրավորելու, վատաբանելու...
Ես հարգում եմ քննադատությունը , բայց երբեք չեմ վիրավորել և չեմ հարգելու վիրավորանք հասցնողին..
