Վարչապետ Կարեն Կարապետյանը եռօրյա արձակուրդ է գնում: Նրա արձակուրդը կսկսվի օգոստոսի 15-ից և կտևի մինչև օգոստոսի 18-ը՝ ներառյալ: Այս մասին Armday.am-ը տեղեկացավ կառավարության պաշտոնական կայքէջի վարչապետի որոշումները բաժնից: Կարապետյանին արձակուրդի մեջ գտնվելու ժամանակահտվածում կփոխարինի ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը:
Ավելի վաղ Հրապարակ թերթը գրել էր, թե հնարավոր է, որ վարչապետը արձակուրդ չգնա. Կարապետյանի արձակուրդ գնալու մասին հարցին ի պատասխան՝ նրա մամուլի խոսնակը նշել էր, որ օրակարգում նման հարց չկա, վարչապետը սովորական ռեժիմով աշխատում է:
Նշենք, որ մենք նաև գրել էինք նախարարների արձակուրդների մասին. գործադիրներից ով որքան է լինելու արձակուրդի մեջ և ով է այդ ընթացքում նրանց փոխարինելու կարդացեք՝ այստեղ:
