Անգլիական «Մանչեսթեր Յունայթեդի» պաշտպան Տիմոտի Ֆոսու-Մենսան առաջիկա մրցաշրջանը կանցկացնի «Կրիստալ Փելասում»:
«Արծիվները» պաշտոնապես հայտարարել են 19-ամյա ֆուտբոլիստի տրանսֆերը մեկ տարով վարձակալելու մասին:
Նոր ակումբում ֆուտբոլիստը հանդես կգա 24 համարի խաղաշապիկով:
Հիշեցնենք, որ երիտասարդ հոլանդացին «Մանչեսթեր Յունայթեդ» էր տեղափոխվել 2014 թվականին «Այաքսից»: Ֆուտբոլիստը «կարմիր սատանաների» կազմում մասնակցել էր 21 հանդիպման և դարձել 1 գոլային փոխանցման հեղինակ:
